Luka 23:35 - Kivunjo New Testament 1999

³⁵ Wandu wakagoṟoka wechiambuya. Wasongoru walya nawo wawemtaluo, wegamba, “Nalekyiṟa wengyi; nakukyiṟe amonyi, kokooya oe nyi Kristo o Ruwa, msambuṟe okye.”

Luka 23:35 ပူးပေါင်းရင်းမြစ်များ

Matayo 12:18

“Ambuya, mṟundi oko ngyilemsambuṟa; mkunde oko, mrima oko umchihiye kyipfa kyakye; ngyechimwenenga pfinya ya Mumuyo oko, na oe nechianduya wandu walaiṙikyie Ruwa.

Matayo 3:17

Na ṟui lyiwukyie ruwewu lyikagamba, “Ichu nyi Mana oko, mkunde oko, ngyimchihiye kyipfa kyakye.”

Luka 16:14

Kyasia Mafarisayo, wakyeri kye wo wawenyi nyi wandu wakundi heleri, waleicho isho shoose, wakamtaluo.

Luka 23:13

Na Pilato kasanzia handu hamwi na wang'anyi wa makohanyi, wasongoru wa wandu, na wandu,

Luka 23:39

Na umwi o wanyamaṟi walya wawewamanyikye msalabenyi nalemlahia, echigamba, “Ngyesa iyoe chi Kristo-pfoe? Kyiṟa mrima opfo na soe.”

1 Petiro 2:4

Yendenyi kokye oe, ai igoe lyiwoṙe moo, lyilelego nyi wandu, indi ko Ruwa nyi lyilyisambuṟe, lyiwaṟi iindio.