Luka 23:33 - Kivunjo New Testament 1999

³³ Na lyilya waleshika handu hekyelago, “Ipoṟong'u,” nyi ho-ndu walemkapia msalabenyi, oe na walya wengyi wawi, umwi ura lo kulyoe, na umwi ura lo kumoso.

Luka 23:33 ပူးပေါင်းရင်းမြစ်များ

Matayo 20:19

Numa ya iho wechimṙuo ko masanga waiṙime imkapa makuukuu, na imkapa na ngowa, na imkapia msalabenyi; na mfiri o kaṟaaṟu neṟuka.”

Matayo 26:2

“Muichi kye numa ya mfiri iwi kochiwa pasaka, na Mono-Adamu nechiṟiingo nakapio msalabenyi.”

Luka 24:7

echigamba, ‘Kyakooya Mana o Adamu iwiko mawokonyi ga wanyamaṟi, na iwoogo, na iṟuka mfiri o kaṟaaṟu.’ ”

Yohane 18:32

Kundu kyiafukyie kyindo kyilya Yesu alekyigamba, echiloṟa nyi upfu lo mbaṟe iha echipfa.

Yohane 3:14

“Na chandu Mose aleira njoka iya kulya nukyenyi ngyiumu suwaa ilawoṙe maa mṟinga, na wuṙo Mana o Adamu awaṟi iiro;

Mawuto Ga Wasu 13:29

Na wammbute shoose shiweshigambe kye shechimmbutikyia, wakamsotsa halya msalabenyi, wakammbika kyilomenyi.

Mawuto Ga Wasu 2:23

Mndu-chu aleṙiko wuyanenyi chandu Ruwa alekunda amonyi, na chandu Ruwa aweṟeyeṟie wookyia kacha, kamṙambika konyu, nyoe mukomkapia msalabenyi, mukombaaga.

Mawuto Ga Wasu 5:30

Ruwa o waku waṙu naleṟutsa Yesu, ulya nyoe mulembaaga na immanyika ikyiṙinyi.

Wagalatia 3:13

Kristo naleluwuta kyisesonyi kya uwawaso, cha kyipfa naleseso kyipfa kyaṙu; kyipfa kyikyiṟeie, “Orio mndu amkapie msalabenyi namsese.”

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.