Luka 23:26 - Kivunjo New Testament 1999

²⁶ Na kyiyeri wawemṙuo walekarisana mndu umwi ekyelago Simion Mkyirene, alekoawuka ṙemenyi, wakamṙika msalaba, nauṙuo numa ya Yesu.

Luka 23:26 ပူးပေါင်းရင်းမြစ်များ

Matayo 5:41

Na mndu echikuitika uyende na oe mailyi imwi, yenda na oe tsiwi.

Luka 14:27

Mndu oose alechiṙuo msalaba okye na ingyiosha, echiiṙima iwa manalosho oko-pfo.

Luka 23:25

Kapfunguo ulya awempfungye kyipfa kya wuṟiingyi na wuwaagi, ulya wawemkundi, kawuta Yesu wammbutie chandu wawekundi.

Luka 9:23

Kawawia woose, “Mndu oose kakunda ingyiosha nakulege amonyi, nakuṙikye msalaba okye orio mfiri nangyioshe.

Mawuto Ga Wasu 13:1

Na kulya siṟinyi ya Antiokyia kuwewoṙe weonguo shisuku na walosha, nawo nyi Barinaba, na Simion ekyelago Nikyeri, na Lukyio awukyie Kyirene, na Manaeni aweongyie wee lyimwi na Mangyi Herode, na Saulyi.

Mawuto Ga Wasu 2:10

Firikyia na Pamfilyia, Misiri na ngyuura tsa Lyibia kufuhi na Kyirene, na wayenu wawukyie Roma, Wayuda na walya wekyeindia Ruwa,

Mawuto Ga Wasu 6:6

Wakawawikyia mbele ya wasu, na wamterewe wakawayekyia mawoko.

Mawuto Ga Wasu 6:9

Kyaindi wandu waata wa sinagogi lyiwekyelago sinagogi lya “Wandu walawachilyie nyi kyindo,” na lya Wakyirene, na lya Waisikanderia, na lya walya wa Kyilyikyia na Asia, wakafuma na indegaluana na Stefano;