Luka 23:2 - Kivunjo New Testament 1999

² Wakawooka imshitakyi, wechigamba, “Lulewona ichu eṙetsa wandu waṙu, na iima wandu walatae kodi ko Kaisari, echigamba kye oe amonyi nyi Kristo, mangyi.”

Luka 23:2 ပူးပေါင်းရင်းမြစ်များ

Matayo 17:27

Kyaindi kundu lulachewawutia kyindo lukowawihiṟa, yenda ipalyipalyinyi undewiyitsa-pfo ndoana uwaṙe ikunga lyilya lyawoneka kuwooka, na kotambaṟuo ṙumbu lyalyo nowona shekyelyi yetaa ukamba lo hekalu. Ṙuo iyo undewaenengyia kyipfa kyako na kyipfa kyapfo.”

Matayo 22:21

Wakammbia, “Nyi ya Kaisari.” Kawawia, “Kyasia, enengyenyi Kaisari shikyeri sha Kaisari, na Ruwa shikyeri sha Ruwa.”

Matayo 27:11

Na Yesu kagoṟoka mbele ya ulya awekyechilyia uruka lulya. Mchilyi-cho kammbesa, kagamba, “Iyoe nyi oe mangyi o Wayuda?” Yesu kammbia, “Iyoe nogamba.”

Mariko 12:17

Yesu kagaluo, kawawia, “Enengyenyi Kaisari shikyeri sha Kaisari, na shikyeri sha Ruwa enengyienyi Ruwa.” Wakaṟiyio mnu kyipfa kyakye.

Mariko 15:2

Pilato kammbesa, “Iyoe nyi oe mangyi o Wayuda?” Kagaluo, kammbia, “Iyoe nogamba.”

Luka 23:14

kawawia, “Mndu-chu momuende na koko mochigamba kye naiṙetsa wandu; na inyi ngaaṙanyia mbonyi tsakye mbele yanyu, indi ngawona ṙeko lyoose kokye ko shindo shilya shamuenenga imshitakyi-pfo.

Luka 23:5

Nawo wakaengyeṟa mnu, wechigamba, “Nekyeṙetsa wandu elosha urukyenyi lo Uyuda loose wookyia Galyilaya mṟasa kunu.”

Yohane 18:29

Kyasia Pilato kafumia nja, kagamba, “Mogamba wuwicho wo mndu-chu ny'kyikyi?”

Yohane 18:30

Wakamgaluo, wakammbia, “Kokooya ichu alawewoṙe wuwicho luwechimwende na kopfo-pfo.”

Yohane 19:12

Na wookyia kyiyeri-kyo Pilato kakunda impfunguo; kyaindi Wayuda wakakalagatsa, wechigamba, “Kopfunguo ichu, iyoe chi mbuya ya Kaisari-pfo. Orio mndu aikuloṟa cha ilyi oe nyi mangyi akyeri ura lo Kaisari-pfo.”

Mawuto Ga Wasu 24:13

Maa weiṙima iṟingyishia shindo-shi shiwaenenga wulalu ingyishitakyi-pfo.

Mawuto Ga Wasu 24:5

Cha kyipfa lowona mndu-chu kye namlang'a, nekyewooka wuṟiingyi kyiiṙi kya Wayuda woose wuyanenyi; lyingyi-se nyi msongoru o mwiṙikyie o Wanasorayo.

Waroma 13:7

Enengyenyi woose kyilya kyiwawaṟi, mndu o kodi, kodi; mndu o ukamba, ukamba; awaṟi iṙeṙemio, iṙeṙemio; awaṟi wuindi, wuindi.