Luka 22:60 - Kivunjo New Testament 1999

⁶⁰ Petiro kagamba, “Iyoe mndu, ngyiichi kyindo uigamba-pfo.” Na kyiyeri aweiṙeṙa kuṙo, ilying'onyi lyilefuga.

Luka 22:60 ပူးပေါင်းရင်းမြစ်များ

Matayo 26:34

Yesu kammbia, “Ny'kyaloi ngakuwia iyoe, kyio-kyi ilying'onyi lyilafuga, nongyikana kaṟaaṟu.”

Luka 22:34

Kagamba, “Ngakuwia, Petiro, ilying'onyi lyechifuga inu, iyoe ulangyikana kaṟaaṟu kye ungyiichi-pfo.”

Luka 22:59

Numa ya iho cha saa imwi, mndu ungyi kapfuṟukana igamba, “Kyaloi na ichu nawei hamwi na oe, cha kyipfa oe taa nyi Mgalyilaya.”

Luka 22:61

Mndumii kainduka kaambuya Petiro. Petiro kakumbuo kyindo kyilya Mndumii alemmbia, “Inu ilying'onyi lyilafuga, nongyikana kaṟaaṟu.”

Yohane 18:27

Kyasia Petiro kakana-se, na cha ilyi ilying'onyi lyikafuga.