Luka 22:52 - Kivunjo New Testament 1999

⁵² Yesu kawia wang'anyi wa makohanyi, na wasongoru wa hekalu, na wasongoru wa wandu, walecha kyipfa kyakye, “Ngyesa mocha muwoṙe ngyuushu na ṟungu cha ilyi muichewaṙa msokyi?

Luka 22:52 ပူးပေါင်းရင်းမြစ်များ

Matayo 26:47

Kyasia kyiyeri aweiṙeṙa, Yuda, umwi o walya ikumi na wawi, kacha, aṙuṙanyi na ṟiima lying'anyi lya wandu wawoṙe ngyuushu na ṟungu, wawuka ko wang'anyi wa makohanyi na wasongoru wa wandu.

Matayo 26:55

Saa iya Yesu kawia wuingyi wo wandu, “Ngyesa mofuma cha ilyi mundewaṙa msokyi, muwoṙe ngyuushu na ṟungu, ingyiwaṙa? Orio mfiri ngyileṙamia hekalunyi ngyechilosha, mulangyiwaṙe.

Luka 22:37

Cha kyipfa ngyimmbia, isho shileṟeio kyakooya iafutsio koko, kye naletalyio hamwi na wanyamaṟi. Cha kyipfa isho shingyiwaṟi shiwoṙe mafurumionyi gasho.”

Luka 22:4

Kafuma kandeṙeṙa na wang'anyi wa makohanyi, na wang'anyi wa asikari wa shiṙa, chandu eiṙima immbika mawokonyi gawo.

Luka 22:51

Yesu kagaluo, kagamba, “Lekyenyi, kuwoṙe ikapana-se-pfo.” Kampaaya kuṙwi kamkyiṟa.

Luka 22:53

Orio mfiri ngyiwekyeri na nyoe hekalunyi kyaindi mulengyileshia kuwoko-pfo, indi ikyi nyikyo kyiyeri kyanyu, na wuchilyi wo meema.”

Yohane 17:12

Kyiyeri ngyiwekyeri hamwi nawo, inyi ngyilewaringa kui rina lyapfo ulengyienenga, ngawaambuya; maa kuwoṙe umwi owo aleṙeka-pfo, sile mana ulya o wuṙetsi, kundu kyiṟeio kyiafukyie.

Mawuto Ga Wasu 5:26

Naaho-ng'u msongoru ulya o asikari wekyeringa hekalu kayenda hamwi na waṟundi, wakawaende, kui iwalemba-lemba, cha kyipfa waleowuo wandu walachewakapa na magoe.