Luka 22:33 - Kivunjo New Testament 1999

³³ Kammbia, “Mndumii, kyiyeri ngyikyeri hamwi na iyoe, ngyikuṟeyeṟie iyenda kyipfungonyi ang'u upfunyi.”

Luka 22:33 ပူးပေါင်းရင်းမြစ်များ

Matayo 20:22

Yesu kagaluo, kagamba, “Muichi kyindo muiterewa-pfo. Ngyesa moiṙima iiṙia matuuro-ga gaingyiweṙa?” Wakammbia, “Loiṙima.”

Mariko 14:29

Petiro kammbia, “Wechiṙicha woose, kyaindi chi inyi-pfo.”

Mariko 14:31

Na oe kaengyeṟa mnu igamba, “Maa kyikangyikooya ipfa na iyoe, ngyechikukana maa ale-pfo.” Na woose wakawegamba kuṙo.

Luka 22:34

Kagamba, “Ngakuwia, Petiro, ilying'onyi lyechifuga inu, iyoe ulangyikana kaṟaaṟu kye ungyiichi-pfo.”

Luka 22:57

Kakana, echigamba, “Iyoe mndu mka, ngimwichi-pfo.”

Yohane 13:38

Yesu kamgaluo, kammbia, “Ngyesa iyoe nochireka moo opfo kyipfa kyako? Ny'kyaloi ngakuwia, ilying'onyi lyechifuga ulangyikana kaṟaaṟu-pfo.”

Mawuto Ga Wasu 21:13

Nyi lyo-ndu Paulo alelugaluo na iluwia, “Ny'kyikyi muiwuta kui ifiiṟa na ingyienenga wuowu? Cha kyipfa inyi, hamwi na iwiko kyipfungonyi ngyikuṟeyeṟie iwoogo kulya Yerusalemu kyipfa kya rina lya Mndumii Yesu.”