Luka 22:20 - Kivunjo New Testament 1999

²⁰ Kyiṙoo nakyo na wuṙo amlye; kagamba, “Kyiṙoo-kyi nyi mma mhya samunyi yako, ipusuka kyipfa kyanyu.

Luka 22:20 ပူးပေါင်းရင်းမြစ်များ

Matayo 26:28

cha kyipfa iyi nyi samu yako ya mma, ipusuka kyipfa kya wafoi ko iwuto wunyamaṟi.

Mariko 14:24

Kawawia, “Iyi nyiyo samu yako ya mma, ipusuka kyipfa kya wafoi.

1 Wakorinto 11:25

Na wuṙo numa ya ilya kaira kyiṙoo, echigamba, “Kyiṙoo-kyi nyi mma mhya samunyi yako; wutenyi kuṙi orio kyiyeri muinyo, kui ingyikumbuo.”

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

Waebrania 12:24

na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

Waebrania 9:17

Cha kyipfa mma o kyioṟa uwoṙe pfinya handu halewaṙa ipfa lya mndu; cha kyipfa lyiwoṙe pfinya maa ale kokooya ulya aleuwika ai na moo-pfo.