Luka 22:19 - Kivunjo New Testament 1999

¹⁹ Kaambilyia mkate, kaana, kaupeṟenguo, kawaenengyia echigamba, “Ichu nyicho mmbiu oko uiwuto kyipfa kyanyu. Wutenyi kuṙi kui ingyikumbuo.”

Luka 22:19 ပူးပေါင်းရင်းမြစ်များ

Matayo 14:19

Kagamba wuingyi wo wandu waṙamie maṟenyi. Kaira mkate iya itanu na makunga galya gawi, kaambuya wuye ruwewu, kawikyia mboṟa, kafunja mkate iya, kaenengyia wanalosho, wanalosho wakaenengyia wuingyi wulya wo wandu.

Matayo 15:36

Kawaṙa mkate iya na shikunga shilya, kaana, kashifunja-funja, kaenengyia wanalosho wakye, nawo wanalosho wakaenenga wuingyi wo wandu.

Luka 22:17

Kaambilyia kyiṙoo, kaana, echigamba, “Ambilyienyi ikyi, mugawane nyoe wenyi ko wenyi.

Luka 22:20

Kyiṙoo nakyo na wuṙo amlye; kagamba, “Kyiṙoo-kyi nyi mma mhya samunyi yako, ipusuka kyipfa kyanyu.

Luka 24:30

Na kyiyeri aweṙamie nawo echilya, naleira mkate, kauwikyia mboṟa, kaupeṟenguo.

Yohane 6:23

(Kyaindi kukocha ngalawa tsingyi iwuka Tiberia mṟasa kufuhi na handu halya walekowalyiia mkate, kyiyeri Mndumii Yesu aleana).

Yohane 6:51

Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

1 Wakorinto 10:16

Kyiṙoo kyilya kya kyilaayo kyiele lokyeana Ruwa kyipfa kyakyo chi samu ya Kristo lokyeinyo handu hamwi-pfoe? Mkate ulya lokyeupeṟenguo, chi mmbiu o Kristo lokyeulya handu hamwi-pfoe?

1 Wakorinto 10:4

Woose wakanyo kyindo kyilya kyilya kya mrima; cha kyipfa walenyo iwuka kulya iṟaṟenyi lyilewaosha; na iṟaṟa-lyo lyiwei nyi Kristo.

Wagalatia 1:4

Ulya alereka mrima okye kyipfa kya ngyuunyamaṟi tsaṙu, kundu nalukyiṟe mawicho ga kunu wuyanenyi lukyeri wulalu, chandu Ruwa, Awu oṙu, alekunda.

Wagalatia 4:25

Kyipfa Hajiri nyi cha fumvu lya Sinai lyikyeri urukyenyi lo Waarabu, lyilyingananyi na Yerusalemu ya wulalu; cha kyipfa nekyeṟunda hamwi na wana.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

1 Watesalonikye 5:18

anenyi kyipfa kya orio kyindo; kyipfa isho nyisho shilya Ruwa akundi shiwutikye konyu kyiiṙi kya Kristo Yesu.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.