Luka 22:18 - Kivunjo New Testament 1999

¹⁸ Kyipfa ngyimmbia kye wookyia wulalu ngyechinyo-se kyindo kyawuka msabibunyi sile mṟasa kyiyeri Wumangyi wo Ruwa wochicha-pfo.”

Luka 22:18 ပူးပေါင်းရင်းမြစ်များ

Matayo 16:18

Na inyi ngakuwia, iyoe nyi oe Petiro, na kyiyeri-kyo ngyechiwika Siṟi yako iyoe nyilyo iṟaṟa handu ngyechiiyekyia; maa pfinya tsa upfu tseiwinga-pfo.

Matayo 26:29

Kyaindi ngammbia, ngyechinyo-se mpfinyo maa ale-pfo mṟasa kyiyeri ngyechiunyo na nyoe wuyanenyi wuhya wo Awu-yoko.”

Mariko 14:23

Kaira kyiṙoo, kaana, kawaenengyia; wakaikanana kyiṙoo kyilya woose.

Mariko 14:25

Ny'kyaloi, ngammbia nyoe, ngyechinyo-se mpfinyo-pfo, mṟasa mfiri ulya ngyechiunyo uhya Wumangyinyi wo Ruwa.”

Mariko 15:23

Wakamwenenga mpfinyo ummbikye manemane, alaambilyie.

Mariko 9:1

Kawawia, “Ny'kyaloi, ngammbia, kuwoṙe wandu kyiiṙi kya iwa wagoṟokyi iha, wechiwaṙa moo, mṟasa kyiyeri wechiwona Ruwa echichilyia.”

Luka 21:31

Na nyoe taa, mukowona shindo-sho shewooka icha, manyenyi kye Wumangyi wo Ruwa wukyeri kufuhi.

Luka 22:16

Cha kyipfa ngyimmbia kye ngyechilya-se mṟasa kyiyeri yeafutsio Wumangyinyi wo Ruwa-pfo.”

Luka 9:27

Na inyi ngyimmbia loi, kuwoṙe wandu wagoṟokyi iha, walechiwona upfu maa ale, mṟasa wawone kuwooka Wumangyi wo Ruwa.”

Wakolosai 1:13

Na oe nalelukyiṟa iwuka pfinyenyi tsa meema, kalusamiṟa na iluṙuo Wumangyinyi wo Mana o ikunda lyakye;