Luka 21:8 - Kivunjo New Testament 1999

⁸ Kagamba, “Ambuyenyi, mulachelembo, cha kyipfa wafoi wechicha kui rina lyako, wechigamba, ‘Inyi nyi oe.’ Lyingyi-se, ‘Kyiyeri kyamshika.’ Kyasia, maa mulawaoshe.

Luka 21:8 ပူးပေါင်းရင်းမြစ်များ

Matayo 24:11

Na weonguo shisuku wa wongo wechiwoneka na ilemba wafoi.

Matayo 3:2

“Ṙumbuyenyi wunyamaṟi; kyipfa Wumangyi wo ruwewu womshika kufuhi.”

Matayo 4:17

Wookyia kyiyeri-kyo Yesu nalewooka ionguo mbonyi ngyicha, na igamba, “Ṙumbuyenyi wunyamaṟi kyipfa Wumangyi wo ruwewu womtikyira kufuhi.”

Luka 17:23

Lyingyi-se wemmbia, ‘Ambuya, kulya! Ambuya, kunu!’ Maa mulawukye handu mukyeri, maa mulawaoshe.

Luka 21:7

Wakammbesa, wechigamba, “Mlosha, shindo-sho shechiwa indi? Na nyi kyiṟingyishio kyiha kyeloṟa kye shindo-sho shikyeri kufuhi na icha?”

Luka 21:9

Na nyoe kyiyeri mochiicho mbonyi tsa shiṙa na wuṟiingyi, maa mulaowesho; kyipfa isho shoose kyakooya icha kuwooka, indi mafurumionyi galya gecha iwinyi-pfo.”

Yohane 5:43

Inyi ngyilecha kui rina lya Awu oko kyaindi nyoe muingyiambilyia-pfo; ungyi kacha kui rina lyakye amonyi, icho mochimwambilyia.

Yohane 8:24

Koikyo ngammbia kye mochipfa mowuta wunyamaṟi; cha kyipfa mulandeiṙikyie kye inyi nyi oe ulya ngyigamba kye inyi nyi oe mochipfa mowuta wunyamaṟi.”

Yohane 8:28

Kyasia Yesu kawawia, “Kyiyeri-kyo mochimarisa iwikyia Mana o Adamu msalabenyi nyi lyo-ndu momanya kye inyi nyi oe ulya ngammbia kye inyi nyi oe; na kye inyi ngyekyewuta kyindo kui iambuya kyilya ngyikundi-pfo, indi chandu Awu alengyilosha nyi wuṙo ngyekyeonguo.

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

Wafilyipi 5:6

Mndu alamulembe kui maṙeṙo galawoṙe kyiira; cha kyipfa, kyipfa kya ikyo nyashi ya Ruwa yekyeolokyia wana wa wunyamaṟi.

2 Watesalonikye 2:3

Mndu oose ulamulembe kui mbaṟe yoose; kyipfa mfiri-cho uicha-pfo, mṟasa kuche kuwooka Ikana Ruwa, kaloṟo na pata mndu ulya molega kilya Ruwa awawasie, mana ekyekana Ruwa.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

1 Yohane 4:1

Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

2 Yohane 1:7

cha kyipfa walembi wafoi wammboneka wuyanenyi, walaiṙikyie kye Yesu Kristo naicha kyiiṙi kya mmbiu. Icho nyi oe mlembi ulya na mowingana na Kristo.

Ulogo 1:3

Agusu mndu ulya asomia wandu ulogo-lu luwukyie ko Ruwa, na walya waaṙanyia na iosha kyilya logamba wechichihiyo. Cha kyipfa hechiiṙa kyiyeri kyileshi shindo-shi shilaafukyia-pfo.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.