Luka 21:12 - Kivunjo New Testament 1999

¹² Kyaindi, maa kyiyeri shoose shilandewono, wemmbaṙa na imsuiṟa; wemṙuo mbele ya masinagogi, na immbika kyipfungonyi, mochiṙoo mbele ya wamangyi na wachilyi kyipfa kya rina lyako.

Luka 21:12 ပူးပေါင်းရင်းမြစ်များ

Matayo 22:6

na walya waletsugaa wakawaṙa shisinga shilya shakye, wakashiwutia shindo shiwicho, na ishiwaaga.

Matayo 24:8

Isho shoose nyisho mawookyionyi ga iwawio lying'anyi.

Luka 21:11

Kowaṙa shiriinza shing'anyi na njaa na ndoṟe ya tauni; na shindo sheowesha na shiṟingyishio shing'anyi iwuka ruwewu.

Yohane 15:20

Kumbuonyi mbonyi tsilya ngyilemuongoya, kye mtumo ang'anyi kuta mndumii okye-pfo. Kokooya walengyipfulutsa nyashi, wechimpfulutsa nyashi nyoe; kokooya waleosha malosho gako, wechiosha ganyu taa.

Yohane 15:21

Kyaindi ishi shoose wechimmbutia kyipfa kya rina lyako, cha kyipfa waichi ulya alengyiṙuma-pfo.

Mawuto Ga Wasu 22:30

Ilya-ngama, ang'anyi ulya o asikari wa shiṙa akundi imanya wuloi, nyi kyikyi kyileenenga Wayuda igamba kye Paulo nammbicho, kampfunguo, kawia wang'anyi wa makohanyi na wandu woose wa mengyenyi wasanzie handu hamwi. Kaende Paulo, kammbikyia mbele yawo.

Mawuto Ga Wasu 5:40

Wakaiṙikyia kyilya Kamalyielyi alegamba. Nawo kyiyeri walelaga wasu walya, wakawakapa, wakawawia walaloshe kui rina lya Yesu; na numa ya iho wakawalekyia.

Mawuto Ga Wasu 8:3

Saulyi kapfuṟukana irumatsa Siṟi, echiyenda numba kui numba kawaṙa wasoṟo na waka na iwawika kyipfungonyi.

Mawuto Ga Wasu 9:4

Kaoloka wanda, kaicho ṟui lyechimmbia, “Saulyi, Saulyi, ny'kyilyi ungyilyisa wukyiwa?”

1 Petiro 2:13

Oshenyi orio kyindo walya wawoṙe wuchilyi wagamba, kyipfa kya Mndumii. Kokooya nyi mangyi, muindienyi cha mndu awoṙe wuchilyi wung'anyi.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.