Luka 20:35 - Kivunjo New Testament 1999

³⁵ kyaindi, walya wekyetalo kye wawaṟi iambilyia wuyana wulya, na kulya iṟuka ko wapfu, wekyealyika maa ialyiko-pfo.

Luka 20:35 ပူးပေါင်းရင်းမြစ်များ

Matayo 12:32

Na mndu oose echiṙeṙa Mono-Adamu uwicho nechihooṟio, kyaindi ulya echiṙeṙa Mumuyo Mweele uwicho echihooṟio-pfo.’ ”

Matayo 22:29

Yesu kagaluo, kawawia, “Muiṙeka, cha kyipfa muichi shiṟeio maa wuiṙimi wo Ruwa-pfo.

Mariko 10:42

Yesu kawalaga, kawawia, “Muichi kye walya wawatale iwa wang'anyi wa masanga wekyemuchilyia kui pfinya, na wasongoru wawo wekyemugaluo nyoe waṟundi wawo.

Mariko 12:24

Yesu kagaluo, kawawia, “Ngyesa muiṙeka kyipfa kya ikyi, cha kyipfa mulaichi shiṟeio maa wuiṙimi wo Ruwa?

Luka 16:8

Mndumii ulya kaṟumisha mringyi ulya mmbicho kyipfa ilyi alewuta kui wuṟango; cha kyipfa wana wa wuyana-wu rikyenyi lyawo wawenyi waṟango kuta wana wa saa.

Luka 21:36

Kyasia, nyoe laenyi kyiṙombo orio kyiyeri, mochiterewa kundu muiṙime ikyia kyiiṙi kya isho shoose shewutika, na igoṟoka mbele ya Mana o Adamu.”

Yohane 5:29

Nawo wechiwuka shilomenyi; walya walewuta shindo shicha wawone moo o mlungana na walya walewuta shiwicho waanduyo.”

Mawuto Ga Wasu 24:15

Ngyiwoṙe ikusuria ko Ruwa, ikusuria maa iwo wailyiweṙelyia, kye kochiwaṙa iṟutso lya wapfu, wasumganyi na walawasumganyi taa.

Mawuto Ga Wasu 5:41

Nawo wakawuka halya mengyenyi, wechihiyo cha kyipfa watalo kye wawaṟi isutso kyipfa kya Rina lya Yesu.

2 Watesalonikye 1:5

Nyikyo kyiṟingyishio kya sungusinyi kya ianduyo lyikyeri wusumganyi wo Ruwa, kundu mutalyio kye kyimmbaṟi iiṙa na Wumangyinyi wo Ruwa, iwo womuenenga ilyiso wukyiwa.

Waebrania 11:35

Waka waleambilyia wapfu wawo waleṟutso. Kyaindi wengyi walekapo uwicho mṟasa iwoogo, wengyi wakagamba wakundi iwuto wusingyenyi-pfo, kundu wawone wuṟutsi wuwucha ngoseṟa.

Ulogo 3:4

Kyaindi nuwoṙe marina maangu ipfo Saridi, wandu walekyefanyiṟa nguwo tsawo na ukoe. Nawo wechiyenda hamwi na inyi waṟee nguwo ngyiilyi cha itso, cha kyipfa wawaṟi.