Luka 20:17 - Kivunjo New Testament 1999

¹⁷ Kawaitukuya, kagamba, “Kyasia kyindo-kyi kyagamba-kyi chandu kyikyiṟeie, ‘Igoe walelega wewika numba ilyo lyilewa igoe lying'anyi lya ndumbenyi.’ ”

Luka 20:17 ပူးပေါင်းရင်းမြစ်များ

Matayo 21:42

Yesu kawawia, “Muichi chandu kyikyeri shiṟeionyi: ‘Igoe walelyilega wewika numba, ilyo lyawa igoe lying'anyi lya ndumbenyi; ṙeṙo-lyi lyiwukyie ko Mndumii, nalyo nyi kyiṟiyisho mesonyi gaṙu?’ ”

Mariko 10:23

Yesu kaambuya ngyuura tsoose, kawia wanalosho wakye, “Kyechiwa kyuumu ko wawoṙe masaa iiṙa na Wumangyinyi wo Ruwa!”

Mariko 12:10

Maa mulandesome shiṟeionyi shiele, ‘Igoe wewika numba walelyilega lyo lyawa igoe lying'anyi lya ndumbenyi.

Mariko 3:5

Kawaitukuya ngyuura tsoose ko nyashi, echiwoṙo nyi fowa mrimenyi kyipfa kya wuumu wo mrima yawo. Kawia mndu ulya, “Goṟuo kuwoko kopfo.” Na oe kagoṟuo kuwoko; kuwoko kokye kukowaṙa-se pfinya.

Luka 19:41

Kyiyeri aleshika kufuhi nalewona mṟi, kaufiiṟia

Luka 22:37

Cha kyipfa ngyimmbia, isho shileṟeio kyakooya iafutsio koko, kye naletalyio hamwi na wanyamaṟi. Cha kyipfa isho shingyiwaṟi shiwoṙe mafurumionyi gasho.”

Luka 22:61

Mndumii kainduka kaambuya Petiro. Petiro kakumbuo kyindo kyilya Mndumii alemmbia, “Inu ilying'onyi lyilafuga, nongyikana kaṟaaṟu.”

Luka 24:44

Numa ya iho kawawia, “Igo nyigo maṙeṙo gako ngyilemmbia lyilya ngyiwekyeri hamwi na nyoe, kye kyakooya shiafutsio shoose Mose aleṟeia Uwawasonyi kyipfa kyako na shilya weonguo shisuku waleṟeia na shilya shishiṟeie shiimbonyi.”

Yohane 15:25

Kyaindi kundu kyindo kyilya kyikyiṟeie uwawasonyi lowo kyiafukyie, kyindo kyigambie, ‘Walengyisuo wulya.’

Mawuto Ga Wasu 4:11

Oe nyi oe igoe lyilya lyilemino nyi wewika numba, ‘Nalyo lyawiko iwa igoe lying'anyi lya ndumbenyi.’ ”

Wafilyipi 2:20

Muwawikye urendenyi lo wasu na weonguo shisuku, na Kristo Yesu amonyi nyi igoe lying'anyi lya ndumbenyi.

1 Petiro 2:6

Cha kyipfa kyikyiṟeie shiṟeionyi shiele, “Ngawika kulya Sion igoe lying'anyi lya ndumbenyi, lyilyisambuṟe, lyiwaṟi iindio, na orio mndu amwiṙikyie echirigo nyi sonu-pfo.”