Luka 2:25 - Kivunjo New Testament 1999

²⁵ Na halya Yerusalemu hawewoṙe mndu ekyelago Simion, na oe nyi mndu msumganyi, akundi na iowuo Ruwa, echiweṙelyia kyiyeri kya Waisiraelyi, iwiyiṟio moo na Mumuyo Mweele nawei na oe.

Luka 2:25 ပူးပေါင်းရင်းမြစ်များ

Mariko 15:43

Yosefu, mndu o Arimataya, mndu ekyeindio, mndu o mengye yeanduya wandu, na oe naweiweṙelyia iafukyia lya Wumangyi wo Ruwa; kayenda kulawoṙe wuowu, mṟasa mbele ya Pilato katerewa mmbiu o Yesu.

Luka 1:41

Na lyilya Elyisapeti aleicho kyiiṟikiṟo kyilya kya Maria, kyikoku kyikakupaaya wosinyi kokye. Elyisapeti kaichuṟo Mumuyo Mweele

Luka 1:6

Na woose wewawi wawewoṙe wusumganyi mbele ya Ruwa, wechiosha mawawaso goose ga Mndumii na shilya atutumie kulawoṙe igambo kye wawoṙe kyindo kyoose kyiwicho.

Luka 1:67

Na Sakaria, awuye, kaichuṟo Mumuyo Mweele kaonguo shisuku, kagamba,

Luka 2:38

Ichu nalecha kyiyeri kyilya kyilya kaana Ruwa, na woose waweiweṙelyia wukyiṟo kulya Yerusalemu kawawia mbonyi tsakye.

Luka 23:51

(Maa aleiṙikyiana na kyilya walewuta-pfo), na oe nyi mndu o Arimataya, mṟi umwi o Wayuda, lyingyi-se naweiweṙelyia Wumangyi wo Ruwa.

Mawuto Ga Wasu 10:2

Mndu aowuye na ikunda Ruwa, oe na wandu woose wa kanyi kokye, na oe nawekyeenengyia shienengo shifoi shesaṟia wandu, na nawekyeterewa Ruwa mfiri yoose.

Mawuto Ga Wasu 10:22

Wakagamba, “Mchilyi Korinelyio, mndu ulya msumganyi, aowuye na ikunda Ruwa, awoṙe kyiṟumi kyicha ko isanga lyoose lya Wayuda, nalewio nyi malaika mweele iṙuma wandu kopfo, wakuwie uyende kokye, kundu naicho kyilya okyelosha.”

Mawuto Ga Wasu 2:5

Na kuwewoṙe Wayuda wawekyekaa Yerusalemu, wandu waiṙikyie na iowuo Ruwa, wandu wawukyie orio isanga lya kunu wuyanenyi.

Mawuto Ga Wasu 24:16

Na inyi ngyekyetambagana iichiwia kyindo-kyi ngyiwaṙe mrima ulawoṙe mti mbele ya Ruwa na mbele ya wandu mfiri yoose.

2 Petiro 1:21

Kyipfa ionguo shisuku lyichie na handu hoose chandu mndu akundi-pfo; indi wandu waleṙeṙa mbonyi tsiwukyie ko Ruwa, wechisongoyo nyi Mumuyo Mweele.