Luka 2:14 - Kivunjo New Testament 1999

¹⁴ “Naṟumisho Ruwa wuye Ruwewu, na wuyanenyi kuwe ufoṟo ko wandu awakundi.”

Luka 2:14 ပူးပေါင်းရင်းမြစ်များ

Matayo 21:9

Na wuingyi wo wandu wawesongoi, na walya walemwosha, wakakuilenga na ṟui lying'anyi wechigamba, “Hosiana, Mono-Dawidi! Nyi oe ammbikyie mboṟa, ulya aicha kui rina lya Mndumii, Hosiana wuye ruwewu.”

Luka 1:79

Ilyimikyia wai meemenyi na kyirinjenyi kya upfu, na isongoya maṙende gaṙu kui njia ya ufoṟo.”

Luka 19:38

wechigamba, “Nyi oe ammbikyie mboṟa Mangyi aicha kui rina lya Mndumii. Ufoṟo ruwewu, na mng'ano ipfo wuye.”

Luka 2:13

Cha ilyi wawei hamwi na malaika-cho, wuingyi o ngyuulyimalyi tsa ruwewu, wechiṟumisha Ruwa na igamba,

Luka 2:15

Na lyilya malaika-wo walelekana nawo wechiyenda ruwewu, walyisi walya walewiana, “Luyende mṟasa Betilehemu lundewona kyindo-kyo Ruwa aleluwia.”

Luka 3:22

Mumuyo Mweele kasokyia wuye yakye kui mfano o mmbiu cha mbuna; ṟui lyikawuka Ruwewu, “Iyoe nyi Mana oko, mkunde oko, ngyimchihiye kyipfa kyapfo.”

Yohane 14:27

Ngamṙeeya ufoṟo. Ufoṟo loko ngamuenenga. Chandu ngyimuenenga chi wuṙo wuyana wokyeenenga-pfo. Mulaiṟewe mrimenyi konyu, maa mulawaṙe wuowu.

Yohane 17:4

Inyi ngyilekung'anyisa wuyanenyi, iṟunda ulengyiwia ngyiṟunde ngyilelyimarisa.

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Mawuto Ga Wasu 10:36

Mbonyi tsilya aleṙooya wana wa Isiraelyi, echionguo mbonyi ngyicha tsa ufoṟo kui Yesu Kristo (nyi oe Mndumii o woose),

Waroma 5:1

Kyasia lukomtalyio wusumganyi uwukyie iiṙikyienyi luwaṙe ufoṟo na Ruwa, kui njia ya Mndumii oṙu Yesu Kristo.

Wafilyipi 1:6

Mng'ano o isaṟia lyakye uṟumisho, alelusaṟia kyiiṙi kya icho Mkunde.

Wafilyipi 1:9

amluloṟe kyiṟika kya kyilya akundi, iṙuana na kyilya akundi kyiiṙi kya icho.

Wafilyipi 2:4

Kyaindi Ruwa kyipfa akyeri o isaṟia lying'anyi, kui ikunda lyakye lying'anyi alelukunda;

Wafilyipi 2:7

Kundu kyiiṙi kya shiyeri-sho shiicha naloṟe ielewetsa lya isaṟia lyakye kui wucha wokye koṙu soe kyiiṙi kya Kristo Yesu.

Waefeso 2:11

na kundu orio mndu nagambe kye YESU KRISTO NYI MNDUMII, kui mng'ano o Ruwa Awu.

Waefeso 2:13

Cha kyipfa nyi oe Ruwa aiṟunda maṟunda mrimenyi konyu, iambilyia lyanyu na iṟunda lyanyu, kui iafutsia makusaṟo gakye mecha.

Wakolosai 1:20

Na kyiiṙi kyakye isanza shindo shoose na oe amonyi, amwende ufoṟo kui samu ya msalaba okye; kokooya nyi shindo shikyeri urukyenyi, ang'u shikyeri ruwewu.

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

Ulogo 5:13

Na orio kyindo kyigumbe kyikyeri ruwewu na urukyenyi na wanda ya uruka na wuye ya ipalyipalyi, na shindo shoose shikyeri ipfo ipalyipalyinyi, ngyilechiicho shechigamba, “Mboṟa na iindio na kyiṟumi na wuiṙimi nyi wo ulya aṙamie kyitimenyi kya mng'ano, na Kyiondo kya Ruwa, mṟasa mlungana na mlungana.”