Luka 19:42 - Kivunjo New Testament 1999

⁴² echigamba, “Kokooya uwemanya, maa iyoe, kyiiṙi kya mfiri-chu, kyiwaṟi ufoṟo! Kyaindi wulalu uiṙima iwona-pfo.

Luka 19:42 ပူးပေါင်းရင်းမြစ်များ

Luka 19:41

Kyiyeri aleshika kufuhi nalewona mṟi, kaufiiṟia

Luka 19:43

Cha kyipfa mfiri iicha, kyiyeri washituwa wapfo wechikuwikyia moombo ukuringyichie. Wechikuiṟiwia na ikushingyia ngyuura tsoose.

Luka 19:44

Wekuolotsa wanda iyoe na wana wapfo wakyeri ipfo moombonyi, walechikuṙeeya igoe wuye ya igoe, kyipfa ulemanya kyiyeri kya Ruwa icha na kopfo-pfo.”

Mawuto Ga Wasu 10:36

Mbonyi tsilya aleṙooya wana wa Isiraelyi, echionguo mbonyi ngyicha tsa ufoṟo kui Yesu Kristo (nyi oe Mndumii o woose),

Mawuto Ga Wasu 13:46

Paulo na Barinaba wakaṙeṙa kui wukari, wakagamba, “Kyiwewaṟi Ṙeṙo lya Ruwa lyiongoyo konyu kuwooka; kyaindi kyipfa mulyitsindikyia kuleshi, na ikuicho mrimenyi konyu kye muwaṟi moo o mlungana-pfo, wulalu luyenda ko wandu walaiṙikyie Ruwa.

Waebrania 3:13

Kyaindi mututumane orio mfiri; kundu maa umwi onyu alawaṙe mrima muumu kui wulembi wo wunyamaṟi.

Waebrania 3:15

Iho-ndu kyekyegambo, “Inu kokooya moicho ṟui lyakye Maa mulaumiṟe mrima yanyu, cha kyiyeri kyilya kyelega Ruwa.”

Waebrania 3:7

Koikyo, chandu Mumuyo Mweele agamba, “Inu, kokooya moicho ṟui lyakye.