Luka 19:12 - Kivunjo New Testament 1999

¹² Kyasia kagamba, “Mndu umwi, awoṙe rina nalepfunga kyaro iyenda kuleshi kundu nandeambilyia wumangyi na iwuya.

Luka 19:12 ပူးပေါင်းရင်းမြစ်များ

Matayo 21:38

Kyaindi waṙemi walya kyiyeri walewona mana ulya, wakaṙeṙa wo wenyi ko wenyi, wechigamba, ‘Ichu nyi mokyioṟa. Sindenyi lummbaage, luṙuo kyooṟa kyakye.’

Matayo 28:18

Yesu kacha na kowo, kaṙeṙa nawo, kawawia, “Ngyimṙambikye wuchilyi woose ruwewu na wuyanenyi.

Mariko 12:1

Kawooka iṙeṙa nawo kui mfano. “Mndu umwi naleṙonga ṙema lya msabibu, karingyichia uṟigo, kasuma rina lyekamia mafuṙa, kawika kyitaanga, kagawia waṙemi, kayenda kyaro.

Mariko 16:19

Kyasia Mndumii Yesu, amṙeṙe nawo, kaṙoo wuye ruwewu, kaṙamia kuwoko ko kulyoe ko Ruwa.

Luka 20:9

Kawooka iwia wandu mfano-chu: “Mndu umwi nalewaaya ṙema lya msabibu; kalyiṙambika waṙemi, kayenda kandekaa uruka lungyi kyiyeri kyileshi.

Luka 24:51

Na kyiyeri aweiwawikyia mboṟa, nalelekana nawo; kaṙoo wuye ruwewu.

Yohane 18:37

Kyasia Pilato kammbia, “Kokooya nyi wuṙo iyoe nyi Mangyi-ng'ue?” Yesu kagaluo, kagamba, “Nogamba kye inyi nyi Mangyi. Ngyilefeo kunu wuyanenyi kyipfa kya kyindo kyimwi tupu, ionguo mbonyi tsa loi. Orio mndu aichi mbonyi-tso tsa loi nekyeosha shilya ngyekyegamba.”

Mawuto Ga Wasu 17:31

Cha kyipfa nawikyie mfiri echianduya wandu woose kunu wuyanenyi kulawoṙe ikundia; na echianduya wandu-wo nyi ulya Ruwa amsambuṟie. Na Ruwa naloṟie wandu woose kye nechiwuta kuṙo, kui imṟutsa ko wapfu.”

1 Wakorinto 15:25

Cha kyipfa kyiwaṟi nachilyie oe, mṟasa nawingye washituwa woose.

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

1 Petiro 3:22

Na oe nakyeri kuwoko ko kulyoe ko Ruwa, nayenda ruwewu, echichilyia malaika na shindo shingyi shoose shiwoṙe pfinya kulya ruwewu.

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.