Luka 18:9 - Kivunjo New Testament 1999

⁹ Kawia mfano wandu walekuloṟa kye wo nyi wandu wawoṙe wusumganyi, wechipiṟa wengyi woose.

Luka 18:9 ပူးပေါင်းရင်းမြစ်များ

Luka 10:29

Na oe akundi ikuloṟa kye nai msumganyi, kawesa Yesu, “Aa momṟasa oko nyi wui?”

Luka 15:2

Mafarisayo na walosha wa mawawaso wakamnunuwia, wechigamba, “Mndu-chu nekyeambilyia wanyamaṟi, na ngoseṟa nekyelya nawo.”

Luka 16:15

Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Luka 18:11

Mfarisayo ulya kagoṟoka echiterewa kuṙi mrimenyi kokye, ‘Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, waṟui maa cha mosania ukamba-chu-pfo.

Luka 19:7

Lyilya wandu walewona, walenunuwa woose, wechigamba, “Nayenda kanyi ko mndu mnyamaṟi.”

Luka 7:39

Kyasia, Mfarisayo ulya alemlaga ammbone kuṙo, nalegamba mrimenyi kokye, mndu-chu kokooya awei moonguo shisuku, naweimanya mndu mka-chu aimpaaya nyi wui, na oe nyi o mbaṟe iha, kye nyi mnyamaṟi.

Yohane 8:48

Wayuda wakagaluo, wakammbia, “Ngyesa soe luigamba loi kye iyoe nyi mndu o Samaria, na iyoe nuwoṙo nyi mṟufui mmbicho-pfoe?”

Yohane 9:28

Kyasia wakamnyeṟie, wechigamba, “Iyoe nyi manalosho okye; soe nyi wanalosho wa Mose.

Yohane 9:34

Wakagaluo, wakammbia, “Iyoe nulefeeyo wunyamaṟinyi nakamwi, na iyoe nuilulosha soe?” Kui nyashi wakamtsindikyia nja ya sinagogi.

Mawuto Ga Wasu 22:21

Na oe kangyiwia, ‘Yenda, cha kyipfa inyi ngyechikuṙuma uyende kuleshi ko wandu walangyiiṙikyie.’”

Waroma 10:3

Cha kyipfa, walaichi wusumganyi wo Ruwa, na wakundi iṟingyishia wusumganyi wowo wawenyi, walechilyio nyi wusumganyi wo Ruwa-pfo.

Waroma 14:10

Kyaindi iyoe ngyesa ny'kyilyi uianduya mono-womoo? Ang'u ngyesa iyoe ny'kyilyi uimina mono-womoo? Cha kyipfa soe loose lochigoṟoka mbele ya kyiṙi kya ianduyo kya Ruwa.

Waroma 14:3

Ulya ekyelya alaanduye ulya alailya; kyipfa Ruwa naiṙikyiana na oe.

Waroma 7:9

Na inyi ngyiwekyeri na moo ipfo mawookyionyi kulawoṙe mawawaso, indi kyiyeri iwawaso lyilya lyilecha, wunyamaṟi wulewaṙa pfinya na inyi ngapfa.