Luka 18:7 - Kivunjo New Testament 1999

⁷ Ngyesa Ruwa, echiwaenenga kyilya kyiwawaṟi wasambuṟe wakye wekyemfiiṟia kyio na kyingoto-pfoe? Ngyesa nechikyelyio iwatarama?

Luka 18:7 ပူးပေါင်းရင်းမြစ်များ

Matayo 24:22

Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo.

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 7:11

Kyasia kokooya nyoe, mui wawicho, muichi ienenga wana wanyu shienengo shicha, ngyesa chi ngoseṟa mnu Awu onyu akyeri ruwewu echienenga mecha walya wekyemterewa-pfoe?

Luka 11:13

Kyasia, kokooya nyoe mui wawicho muichi ienenga wana wanyu shisumbo shicha, ngyesa chi ngoseṟa mnu awu onyu akyeri ruwewu echienenga Mumuyo Mweele walya wekyemterewa-pfoe?”

Luka 2:37

Na oe nyi mka mkusu o maka makumi nyanya na ina, ekyewuka hekalunyi-pfo, indi nyi iterewa Ruwa kyio na kyingoto echikuretekyia na iterewa.

Luka 21:28

Kyasia kyiyeri shindo-sho shechiwooka icha, kaṟamkyenyi mochiira mṙoe yanyu, cha kyipfa wukyiṟo wonyu womtikyira.”

Waroma 8:33

Nyi wui echiṙuo mengyenyi wasambuṟe wa Ruwa? Ruwa nyi oe aiwatalyia wusumganyi.

Wakolosai 3:12

Kyasia, kyipfa mommbe wasambuṟe wa Ruwa, wandu wa Ruwa wakunde, ṟaenyi mrima o isaṟia, mkaṟo mcha, wupfereri, wuhoo, ikarishia.

1 Watesalonikye 3:10

kyio na kyingoto kyiyeri lokyeterewa kui ipfuṟukana lying'anyi luiṙime immbona nyoe, na iichuṟia shilya iiṙikyia lyanyu lyilashiwoṙe?

2 Watesalonikye 1:6

Cha kyipfa nyi necha mbele ya Ruwa ilyisa wukyiwa walya waimulyisa wukyiwa nyoe;

1 Timoteo 5:5

Kyasia, ulya ai mkusu o loi, namṙe amonyi, icho nakusurie Ruwa, na oe orio mfiri nekyeterewa kyingoto na kyio.

2 Timoteo 1:3

Ngyiana Ruwa, ngyekyemwindia na imterewa kui mrima mmbaṙami wookyia kacha lya waku wako, chandu ngyekyekukumbuo iyoe kyiyeri kyoose, kyiiṙi kya iterewa lyako kyio na kyingoto.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

Tito 1:1

Inyi Paulo, mṟundi o Ruwa, na msu o Yesu Kristo; kyipfa kya ionguo iiṙikyia lya wasambuṟe wa Ruwa, na wuṟango wo wuloi wulya wokyeende iowuo na ikunda Ruwa.

1 Petiro 1:1

Inyi Petiro, ngyikyeri msu o Yesu Kristo, ngaṟeia paruo-i ko wasambuṟe wanyanyaṟikyie ipfo na ipfo, wekyekaa cha wayenu ngyuurukyenyi tsa Ponto, na Galatia, na Kapadokyia, na Asia, na Bitinia.

2 Petiro 3:9

Mndumii ekyekyelyio iafutsia kyaasa kyakye, chandu wandu wengyi wekyekusaṟa kya ikyelyio-pfo, kyaindi nekyesimiria konyu, kyipfa akundi mndu oose naṙekye-pfo, indi woose waiṙime iwona iṙumbuya wunyamaṟi.

Ulogo 18:20

Chihiyonyi kyipfa kyacho, lanyoe wandu mokyekaa ruwewu, na nyoe wandu wa Ruwa na wasu na weonguo shisuku; cha kyipfa Ruwa amwuuanduya kyipfa kya shindo ulemmbutia nyoe.

Ulogo 6:10

Wakafiiṟa na ṟui lying'anyi, wechigamba, “Ruwa, Mweele, Monyi wuloi, mṟasa indi ochikyelyio itaa kyiṟaache ko walya waleluwaaga?”

Ulogo 7:15

Koikyo wakyeri mbele ya kyitima kya mng'ano kya Ruwa, nawo waimṟundia kyingoto na kyio hekalunyi lyakye, na oe aṙamie kyitimenyi kya mng'ano nechiala hema lyakye wuye yawo.