Luka 18:23 - Kivunjo New Testament 1999

²³ Indi kyiyeri aleicho ikyo nalewihiyo mrimenyi mnu, kyipfa nawewoṙe masaa gafoi.

Luka 18:23 ပူးပေါင်းရင်းမြစ်များ

Matayo 19:22

Kyiyeri manakye ulya aleicho ṙeṙo-lyo, kawuka ho akuinyaṙie; kyipfa nawewoṙe masaa gafoi.

Mariko 10:22

Kyaindi oe kalema nzineeri kyipfa kya ṙeṙo-lyo, kawuka halya ammbihie mrimenyi; cha kyipfa nawewoṙe masaa gafoi.

Luka 12:15

Kawawia, “Kushowenyi na wuneesi, kyipfa moo o mndu ukyeri shindonyi shakye awoṙe-pfo.”

Luka 18:22

Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.”

Luka 18:24

Kyiyeri Yesu alewona kuṙo nalegamba, “Nyi kui wukyiwa wo mbaṟe iha wanjama wechiiṙa na Wumangyinyi wo Ruwa!

Luka 19:8

Sakayo kagoṟoka, kawia Mndumii, “Mndumii, masaa gako goose ngyechigagawa kawi na kyifunjoe kyimwi ngyienengye wakyiwa, na kokooya ngyisokyie mndu kyindo kui ngyeṟo ngyemmbiyiṟia kaana.”

Luka 21:34

“Kyasia ringyenyi mrima yanyu ilachelemeṟo nyi shindo shelya, na wunanzi, na iwinia shindo sha wuyanenyi; mfiri ulya ukocha na konyu kyituukyia chandu mṙego okyetalasuka.

Luka 8:14

Na tsileoloka mshenyi, nyi walya waleicho na kyiiṙi kya iyenda wakailamo nyi wulembi wo masaa, na ichihiyo lya wuyana, walakumbie ndunda ngyicha.

Wafilyipi 5:5

Kyipfa mbonyi-tsi mutsiichi necha, kye kuwoṙe mṟui maa mndu o wuilala wo wolyi, maa mndu awoṙe wulanga, nyi oe moindia ifano, awoṙe kyioṟa Wumangyinyi wo Kristo na Ruwa-pfo.

Waefeso 3:8

Yee, ngoseṟa ya isho, ngyiwonyi shindo shoose nyi sha wulya kyipfa kya wucha wung'anyi mnu wo imanya Kristo Yesu, Mndumii oko; ulya kyipfa kyakye ngyileṙetsa shindo shoose ngyechishiwona kye nyi mboshia kundu ngyiwone Kristo.

Wakolosai 3:5

Kyasia, lekanenyi na shindo wandu wa wuyana wawoṙe: wuṟui, ukoe, lango ngyiwicho, makusaṟo mawicho, na ilanga iwaṙa sha ngoseṟa, nyiwo wuyendelyi wo iindia mafano.

1 Yohane 2:15

Maa mulakunde wuyana, maa shindo shikyeri wuyanenyi. Mndu kakunda wuyana, ikunda Ruwa kukyeri mrimenyi kokye-pfo.