Luka 18:22 - Kivunjo New Testament 1999

²² Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.”

Luka 18:22 ပူးပေါင်းရင်းမြစ်များ

Matayo 19:21

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Luka 10:42

kyaindi nyi kyindo kyimwi tikyi kyikyikunde; na Maria nasambuṟa ṙombo lyicha lyilechiwuto kokye.”

Luka 12:33

Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa.

Luka 16:9

Na inyi ngyimmbia, waṙenyi mbuya na shindo sha wuyana, kundu kyiyeri shewuṟika wamuambilyie kulya-ndu mochikaa mlungana.

Luka 18:21

Kagamba, “Isho shoose ngyekyeshiosha wookyia wututunyi woko.”

Luka 18:23

Indi kyiyeri aleicho ikyo nalewihiyo mrimenyi mnu, kyipfa nawewoṙe masaa gafoi.

Luka 9:23

Kawawia woose, “Mndu oose kakunda ingyiosha nakulege amonyi, nakuṙikye msalaba okye orio mfiri nangyioshe.

Waefeso 3:13

Wana wa wama, ngyikusaṟie mrimenyi koko kye ngamrakuo iṟikoso-lyo-pfo; indi ngyiwuta kyindo kyimwi tupu; ngyechiwaṙima shilya shikyeri numa na ipfuṟukania shilya shikyeri mbele.

2 Petiro 3:8

Kyaindi, wakunde, mulawaṙime kyindo-kyi, kye ko Mndumii mfiri umwi nyi kyimwi na maka kyiku, na maka kyiku nyi kyimwi na mfiri umwi.