Luka 18:13 - Kivunjo New Testament 1999

¹³ Kyaindi mosania ukamba ulya nalegoṟoka kuleshi maa alekaria iambuya ruwewu-pfo, indi nalekapa-kapa kyipoota echigamba, ‘Hoi Ruwa, ungyihooṟie inyi mnyamaṟi.’

Luka 18:13 ပူးပေါင်းရင်းမြစ်များ

Matayo 10:3

Filyipo, na Baritolomayo, Tomasi, na Matayo msani o ukamba; Yakobo mana o Alyifayo, na Tadayo.

Matayo 6:5

“Ngoseṟa kyiyeri muiterewa, mulawe cha wakulembecheṟi; kyipfa wo wakundi iterewa wagoṟokyi masinagoginyi na mbai ya njia, kundu wawono nyi wandu. Ny'kyaloi, ngyimmbia, wamuambilyia wori wowo.

Matayo 9:13

Kyaindi yendenyi, mundekulosha kyitambuluo kya maṙeṙo-ga. ‘Ngyikundi isaṟia, maa chi shienengo-pfo’, kyipfa ngyilecha ilaga walya wasumganyi-pfo kyaindi wanyamaṟi.”

Mariko 11:25

Na nyoe orio kyiyeri mogoṟoka na iterewa, hooṟienyi, orio ṙeṙo muwoṙe na mndu; kundu na Awu-yonyu akyeri ruwewu namuhooṟie nyoe maṙeko ganyu. [

Luka 17:12

Na kyiyeri aleiṙa na kyikaṟonyi kyimwi, nalekarisana na wandu ikumi wawoṙo nyi taambo; wakagoṟoka kuleshi.

Luka 22:41

Oe amonyi kalekana nawo cha handu hewiyitsa igoe, kapfiria ndi katerewa,

Luka 23:48

Na wandu wa kyisanzionyi kyoose walekowakuumbia iambuya shindo-sho, wammbone kyindo kyilewutika, wakayenda kowo wechikapa-kapa shipoota.

Luka 5:8

Simion Petiro ammbone kuṙo, naleoloka maṙendenyi ga Yesu, echigamba, “Wuka koko, kyipfa inyi nyi mndu mnyamaṟi, Mndumii.”

Mawuto Ga Wasu 2:37

Kyiyeri wandu walya waleicho mbonyi-tso, wakaiṟewe mrimenyi kowo, wakawia Petiro na wanalosho walya wengyi, “Luwute-kyi, wana wa wama waṙu?”

Waroma 5:8

Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

2 Wakorinto 7:11

Wulalu moiṙima iwona kyindo kyekyeendo nyi iwona fowa chandu Ruwa akundi. Nyoe moiṙima wulalu iwa wandu wawoṙe ipfuṟukana, wawoṙe kyindo kyegamba. Mokyeṙumbuko nyi maṙima na iowuo; mokyepfuṟukana na iwona kye kya wusumganyi kyiṟundo. Nyoe moloṟa na pata kye muwoṙe ṙeko kyiiṙi kya ikyi ngyigamba-pfo.

1 Timoteo 1:15

Nyi kyindo kya loi, na kyiwaṟi iiṙikyio nakamwi, kye Kristo Yesu nalecha na wuyanenyi nakyiṟe wanyamaṟi; walya o kuwooka ai nyi inyi.

Waebrania 4:16

Kyasia, lutikyire kyitimenyi kya isaṟia kulawoṙe wuowu, kundu luenengo isaṟia, na iwona isaṟia lyelutarama kyiyeri lulawoṙe shindo shilushikyie.

Waebrania 8:12

Cha kyipfa ngyechiwahooṟia mawicho gawo, na ngyuunyamaṟi tsawo ngyechitsikumbuo-se-pfo.”