Luka 17:25 - Kivunjo New Testament 1999

²⁵ Kyaindi kuwooka, kyamkooya iwona matuuro gafoi, na ilego nyi rika-lyi.

Luka 17:25 ပူးပေါင်းရင်းမြစ်များ

Matayo 16:21

Wookyia kyiyeri-kyo Yesu nalewooka iwia na pata wanalosho wakye kye kyimmbaṟi iyenda Yerusalemu na iambilyia matuuro gafoi iwuka ko wameeku wa mengye, na wang'anyi wa makohanyi, na walosha wa mawawaso, na iwoogo, na mfiri o kaṟaaṟu iṟuka.

Matayo 21:42

Yesu kawawia, “Muichi chandu kyikyeri shiṟeionyi: ‘Igoe walelyilega wewika numba, ilyo lyawa igoe lying'anyi lya ndumbenyi; ṙeṙo-lyi lyiwukyie ko Mndumii, nalyo nyi kyiṟiyisho mesonyi gaṙu?’ ”

Mariko 10:33

echigamba, “Ambuyenyi luiṙo iyenda Yerusalemu; na Mono-Mndu nechiwiko mawokonyi ga wang'anyi wa makohanyi na walosha wa mawawaso. Nawo wechimwanduya napfe, wechimmbika mawokonyi ga masanga,

Mariko 12:10

Maa mulandesome shiṟeionyi shiele, ‘Igoe wewika numba walelyilega lyo lyawa igoe lying'anyi lya ndumbenyi.

Mariko 8:31

Kawooka iwalosha kye Mono-Mndu nawaṟi iwona matuuro gafoi, na ilego nyi wasongoru, na wang'anyi wa makohanyi, na walosha wa mawawaso, na iwoogo, na numa ya mfiri iṟaṟu iṟuka.

Mariko 9:31

Cha kyipfa naweilosha wanalosho wakye, kawawia, “Mono-Mndu naindewiko mawokonyi ga wandu, nawo wechimmbaaga; na kammboogo, numa ya mfiri iṟaṟu nechiṟuka.”

Luka 18:31

Kaṙuo walya ikumi na wawi, kawawia, “Luiṙo iyenda Yerusalemu, na mbonyi tsoose tsa Mana o Adamu weonguo shisuku waleṟeia tseafukyia.

Luka 18:33

Nawo wemkapa na msharite, na numa ya iho wemmbaaga; na mfiri o kaṟaaṟu neṟuka.”

Luka 24:46

Kawawia, “Nyi wuṟo kyiwekyiṟeie, kye Kristo nechituuro na iṟuka mfiri o kaṟaaṟu.

Luka 9:22

echigamba, “Kyakooya Mana o Adamu iwona matuuro gafoi na ilego nyi wameeku wa mengye na wang'anyi wa makohanyi na walosha wa mawawaso, na iwoogo na mfiri o kaṟaaṟu iṟuka.”

Yohane 1:11

Nalecha na urukyenyi kokye, kyaindi maa walya wai wakye walemwambilyia-pfo.

Yohane 12:38

kundu kyiafukyie kyindo kyilya moonguo shisuku Yesaya alegamba, “Mndumii, nyi wui aleiṙikyia mbonyi tsaṙu; na nyi wui Ruwa alemloṟa pfinya tsakye?”