Luka 16:9 - Kivunjo New Testament 1999

⁹ Na inyi ngyimmbia, waṙenyi mbuya na shindo sha wuyana, kundu kyiyeri shewuṟika wamuambilyie kulya-ndu mochikaa mlungana.

Luka 16:9 ပူးပေါင်းရင်းမြစ်များ

Matayo 19:21

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Matayo 6:19

“Mulakoome shindo sha woguru kyipfa kyanyu iha wuyanenyi, handu mashinu na koṟa shekyenyamaṟa, na mbafu tsekyefunja na iiwa.

Matayo 6:24

“Kuwoṙe mndu echiiṙima iṟundia wandumii wawi-pfo; cha kyipfa nechisuo ichu, na ikunda ichu; ang'u nechikuwaṙa na ichu na imina ichu. Moiṙima iṟundia Ruwa na masaa-pfo.

Luka 11:41

Kyaindi wutenyi kyiano shilya sha kyanumba, na shoose shechiwa shicha konyu.

Luka 12:33

Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa.

Luka 14:14

na iyoe nochiwa nanga, cha kyipfa iwo wawoṙe kyekutaa-pfo; kyipfa nochitoo kyiyeri kya iṟuka lya wasumganyi.”

Luka 16:11

Kyasia, kokooya nyoe mulechiiṙima iringa shindo sha wuyana, nyi wui emuenenga iringa shilya sha wuloi?

Luka 16:13

Kuwoṙe mṟundi eiṙima iṟundia wandumii wawi-pfo; cha kyipfa, nechisuo ichu na ikunda ichu, ang'u newaṙana na ichu na imina ichu. Mochiiṙima iṟundia Ruwa na masaa-pfo.”

Luka 16:4

Ngammanya kyindo ngyechiwuta, kundu ngamfuno kyiṟundionyi kyako, wangyiambilyie kanyi kowo.’

Mawuto Ga Wasu 10:31

kagamba, ‘Korinelyio, shiterewo shapfo shaaṙanyio na shienengo okyeenengyia shiwonio na pata mbele ya Ruwa.

Mawuto Ga Wasu 10:4

Kamwitukuya mnu, kaowuo, kagamba, “Ny'kyikyi kyacha pfo, Mndumii?” Kammbia, “Ruwa naicho shiterewo shapfo na mawuto gapfo mecha gesaṟia wandu na wulalu naigaluo shilya okyemterewa.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.

Yuda 1:21

kuringyenyi ikundenyi lya Ruwa, kunu mochiweṙelyia iwonio wukyiwa lya Mndumii oṙu Yesu Kristo, mṟasa muambilyie moo o mlungana.