Luka 16:24 - Kivunjo New Testament 1999

²⁴ Kafiiṟa, kagamba, ‘Hoi papa Abrahamu, ngyiwonia wukyiwa, uṙume Lasaro nawikye kyimnyoe kyakye mṟingyenyi naoloṟe ulumi loko, kyipfa ngyituuro kunu moṙonyi.’

Luka 16:24 ပူးပေါင်းရင်းမြစ်များ

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 3:9

Maa mulakusaṟe mrimenyi konyu kye, ‘Muwoṙe awu, nyi oe Abrahamu; kyipfa ngammbia kye Ruwa neiṙima kyiiṙi kya magoe-ga iiria Abrahamu wana.’

Matayo 5:22

Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Luka 16:30

Kagamba, ‘Ote, papa Abrahamu, kyaindi kokooya mndu awukyie ko wapfu ayenda kowo, weṙumbuya.’

Luka 19:9

Yesu kammbia, “Inu wukyiṟo woshika kunu kanyi, kyipfa ichu na oe nyi mana o Abrahamu.

Luka 3:8

Kyasia kumbienyi ndunda tsifananyi na iṙumbuya wunyamaṟi; maa mulagambe mrimenyi konyu kye muwoṙe awu, nyi oe Abrahamu, kyipfa ngammbia kye, iwuka kunu magoenyi Ruwa nechiiṙima ienenga Abrahamu wana.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 7:37

Na mfiri o furumia, mfiri ulya ung'anyi o mṟumoe, Yesu kagoṟoka, kakuilenga na ṟui lying'anyi, echigamba, “Mndu kawoṙo nyi nyoṙa, nache na koko nawone kyindo kyenyo.

Waroma 4:12

Lyingyi-se nawe awu o wandu waṙine, na chi ko iwo waṙine tikyi-pfo, indi walya wekyeosha ndifo tsa mwiṙikyie o awu oṙu, Abrahamu, awewoṙe wookyia kyiyeri alandeṙino.

2 Watesalonikye 1:8

Nesoka moṙonyi wuiaka; kunu echitaa kyiṟaache iwo walaichi Ruwa, na iwo walaindie Ndumi Ngyicha ya Mndumii oṙu Yesu.

Yakobo 2:13

Kyipfa Ruwa echiwoṙo nyi fowa mrimenyi kyiyeri aianduya mndu alekyewoṙo nyi fowa mrimenyi-pfo. Kyipfa iwoṙo nyi fowa mrimenyi lying'anyi kuta ianduya.

Yakobo 3:6

Na ulumi nyi moṙo; wuyana wulya wo wunyamaṟi, ulumi lulya, lulewiko shiwungonyi shaṙu, nalo nyilo lokyefanyiṟa mmbiu oose. Lokyeatsa moṙo ulya uwukyie Ngyehenenyi na ilurumatsa piu.

Ulogo 19:20

Indo lyilya lyikawoṙo, na moonguo shisuku ulya o wongo hamwi nalyo, ulya alewuta shindo-sho sha maṟiyisho mbele yalyo, shilya alelemba nasho wandu walya waleambilyia kyindo kyilya kyeloṟa kye wo nyi wa indo-lyo, na walya waleterewa na iindia ifano lyalyo. Wewawi wakawiyitso wai na moo iruwenyi lya moṙo lyekyeaka kui kyipiriti.

Ulogo 20:15

Na kokooya mndu oose alalewono amṟeie kyitapunyi kya moo, nalewiyitso kulya iruwenyi lya moṙo.

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,