Luka 16:17 - Kivunjo New Testament 1999

¹⁷ Kyaindi nyi kyaangu Ruwewu na uruka shiwukye ho, kuta kyindo kyitung'tu kya uwawaso kyechiwuka ho.

Luka 16:17 ပူးပေါင်းရင်းမြစ်များ

Matayo 5:18

Kyipfa, ny'kyaloi, ngammbia, mṟasa kyiyeri ruwewu na uruka shechiwuka ho, maa kyindo kyitung'tu kya mawawaso kyechiwuka ho-pfo, mṟasa shoose shiafukyie.

Luka 21:33

Ngyina na uruka shechiiṙa, kyaindi maṙeṙo gako gechiiṙa maa ale-pfo.”

Waroma 3:31

Kyasia, ngyesa luilacha mawawaso kui iiṙikyia-lyo? Ote! Cha kyipfa luindia mawawaso chandu gawaṟi iindio.

1 Petiro 1:25

Indi Ṙeṙo lya Mndumii lyechikaa mlungana.” Na Ṙeṙo-lyo nyi mbonyi tsilya ngyicha tsileongoyo konyu.

2 Petiro 3:10

Kyaindi mfiri o Mndumii ochicha cha mbafu. Mfiri-cho ngyina tsechirumatso kui ndiṟimo tsing'anyi, na orio kyindo kya wuyana kyechikoṟo na irumatso, na wuyana na shoose shikyeri pfo shesenekyia.

Ulogo 20:11

Numa ya iho ngawona kyitima kya mng'ano, kying'anyi kya uwiṟo, na oe akyiṙamilyie; ulya uruka na ruwewu shileṙicha iwuka mbele ya kyaam kyakye, na handu shiwekyeri halewono-pfo.

Ulogo 21:1

Numa ya iho ngawona ruwewu ngyihya na uruka luhya. Cha kyipfa ruwewu ya kuwooka na uruka lo kuwooka shamuiṙa, maa kuwoṙe ipalyipalyi-se-pfo.

Ulogo 21:4

Na oe nechianguo orio mcheṟeṟe mesonyi kowo, maa kochiwaṙa-se upfu-pfo; maa ikapa ṟanyi maa kyifiiṟo-pfo; maa kochiwaṙa-se mawawio-pfo; cha kyipfa shindo sha kuwooka shamuiṙa.”