Luka 16:15 - Kivunjo New Testament 1999

¹⁵ Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Luka 16:15 ပူးပေါင်းရင်းမြစ်များ

Matayo 23:5

Lyingyi-se mmbutie yawo yoose nyi kundu wawono nyi wandu; cha kyipfa shichonyi-sho shishiṟeie maṙeṙo ga Ruwa wekyeṟaa shaamunyi shawo na mawoko nyi shing'anyi mnu, na makyechu ga mkoṟoṟi yawo gangyilesheṟe mnu.

Matayo 6:16

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo.

Matayo 6:2

Kyasia kyiyeri-kyo uienengyia kyiano kyesaṟia molakushele, chandu wakulembecheṟi wekyewuta ipfo masinagoginyi na njienyi, kundu waṟumisho nyi wandu.

Matayo 6:5

“Ngoseṟa kyiyeri muiterewa, mulawe cha wakulembecheṟi; kyipfa wo wakundi iterewa wagoṟokyi masinagoginyi na mbai ya njia, kundu wawono nyi wandu. Ny'kyaloi, ngyimmbia, wamuambilyia wori wowo.

Luka 10:29

Na oe akundi ikuloṟa kye nai msumganyi, kawesa Yesu, “Aa momṟasa oko nyi wui?”

Luka 11:39

Mndumii kammbia, “Nyoe Mafarisayo mokyesanja kyiṙoo na kyitela kyanja, indi mrimenyi konyu muichuo wusokyi na wuwicho.

Luka 18:11

Mfarisayo ulya kagoṟoka echiterewa kuṙi mrimenyi kokye, ‘Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, waṟui maa cha mosania ukamba-chu-pfo.

Luka 18:14

Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”

Luka 18:21

Kagamba, “Isho shoose ngyekyeshiosha wookyia wututunyi woko.”

Luka 18:9

Kawia mfano wandu walekuloṟa kye wo nyi wandu wawoṙe wusumganyi, wechipiṟa wengyi woose.

Luka 20:20

Wakamwowelyia wakaṙuma shisookyi shilekuloṟa cha wandu wasumganyi, kundu wammbaṙe maṙeṙonyi gakye, waiṙime imṙuo ko mchilyi.

Luka 20:47

Wekyesoka waka wakusu masaa gawo, na kui wukulembecheṟi wekyeterewa shiterewo shileshi. Iwo wewona ianduyo lying'anyi.”

Yohane 2:25

kyipfa kuwewoṙe kyimaṙuma kya mndu iṟingyishia mbonyi tsa mndu-pfo; kyipfa oe amonyi nalemanya shikyeri mrimenyi ko mndu.

Yohane 21:17

Kammbia-se lya kaṟaaṟu, “Simion mana o Yohane, ungyikundi?” Kammbia, “Mndumii, iyoe nuichi shoose; iyoe nuichi kye ngyikukundi.” Yesu kammbia, “Ambuya moondo gako.”

Mawuto Ga Wasu 1:18

(Kyasia mndu-chu naleguṟa ṙema kui woguru wo iwuta wunyamaṟi; kaoloka kapasakana, maula gakye goose gakafumia nja.

Mawuto Ga Wasu 1:24

Numa ya iho wakaterewa, wakagamba, “Iyoe, Mndumii, uichi mrima ya wandu woose, luloṟe nyi wui omsambuṟa kyiiṙi kya iwa wawi,

Mawuto Ga Wasu 15:8

Na Ruwa, aichi mrima ya wandu, kamṟingyishia, echimuenenga nyoe Mumuyo Mweele chandu aleluenenga soe.

Waroma 3:20

Kyipfa kuwoṙe mndu oose echitalo kye namsumganyi mbele yakye kui iwuta shilya mawawaso gakundi-pfo, kyipfa mawawaso gekyeenenga mndu imanya wunyamaṟi.

Waroma 8:27

Na oe ai moruwa-ruwa mrima, naichi kyilya Mumuyo akundi cha kyipfa nekyeterewia wandu wa Ruwa chandu Ruwa akundi.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

1 Petiro 3:4

Indi lyiwe wucha wo mrimenyi wulekyewono; shindonyi shekuchopa shilekyenyamaṟika; wucha wo mrima o wuhoo na wuramiri, wuwoṙe woguru wung'anyi ushangyunyi lo Ruwa.

1 Petiro 5:5

Na wuṙo nyoe wanakye, indienyi wameeku. Yee, nyoe moose waṙenyi wupfereri, muiṙime iṟundiana; cha kyipfa Ruwa nekyekapa walya wekyekuira, kyaindi nekyeenenga wapfereri isaṟia.

Ulogo 2:23

Na inyi ngyewaaga wana wakye. Na siṟi tsoose tsechimanya kye inyi nyi oe aichi makusaṟo gakyeri mrimenyi ko wandu. Na inyi ngyechitaa orio umwi onyu iṙuana na mawuto gakye.