Luka 16:13 - Kivunjo New Testament 1999

¹³ Kuwoṙe mṟundi eiṙima iṟundia wandumii wawi-pfo; cha kyipfa, nechisuo ichu na ikunda ichu, ang'u newaṙana na ichu na imina ichu. Mochiiṙima iṟundia Ruwa na masaa-pfo.”

Luka 16:13 ပူးပေါင်းရင်းမြစ်များ

Matayo 4:10

Naaho-ng'u Yesu alemmbia, “Wuka iha, Satana, kyipfa kyikyiṟeie, ‘India Mndumii Ruwa opfo, umterewe oe amonyi.’ ”

Matayo 6:24

“Kuwoṙe mndu echiiṙima iṟundia wandumii wawi-pfo; cha kyipfa nechisuo ichu, na ikunda ichu; ang'u nechikuwaṙa na ichu na imina ichu. Moiṙima iṟundia Ruwa na masaa-pfo.

Luka 11:23

Mndu alai hamwi na inyi naiwingana na inyi; na mndu alaisania hamwi na inyi nekyeola-ola.”

Luka 14:26

“Kokooya mndu acha na koko na oe asuuye awuye maa wamae, na mka okye, na wana wakye, na wana wa wamae wa kyisoṟo na wa kyika; yee maa mrima okye amonyi, echiiṙima iwa manalosho oko-pfo.

Luka 16:12

Na kokooya mulechiiṙima iringa shindo sha mndu ungyi, nyi wui echimuenenga shilya shikyeri shanyu muwenyi.

Luka 16:9

Na inyi ngyimmbia, waṙenyi mbuya na shindo sha wuyana, kundu kyiyeri shewuṟika wamuambilyie kulya-ndu mochikaa mlungana.

Luka 9:50

Yesu kammbia, “Maa mulamwime, cha kyipfa icho alaiwingana na nyoe nakyeri ura lonyu.”

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.