Luka 16:10 - Kivunjo New Testament 1999

¹⁰ Mndu moringa necha kyilya kyitutu amwenengye, neringa necha na shilya shing'anyi taa.

Luka 16:10 ပူးပေါင်းရင်းမြစ်များ

Matayo 24:45

“Kyasia nyi wui-ng'u mṟundi muyendelyi, awoṙe wuṟango, mndumii okye alemwenenga wuchilyi kanyi kokye, naenengye wandu kyelya kyiyeri kyiwaṟi?

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 25:23

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Luka 19:17

Kammbia, ‘Necha, mṟundi mcha. Kyipfa uleringa necha kyilya kyitutu uleenengo chilyia mṟi ikumi.’

Yohane 12:6

Na oe nalegamba kuṙo, chi kyipfa alewonia wakyiwa wukyiwa-pfo; indi kyipfa oe nawei mbafu, na oe nyi oe awekyekooma kyikuchu kya heleri, kakuwutia pfo heleri chandu alekunda.

Yohane 13:2

Na kyiyeri kya kyelya kya kyukonyi; Mokyiriinzi naleenenga Yuda, mana o Simion Isikariote, ngoo yemṟiinga.

Yohane 13:27

Yuda amwambilyie itongye lyilya Satana kaiṙa na mrimenyi kokye. Kyasia Yesu kammbia, “Shindo uiwuta shiwute iwinyi.”

Waebrania 3:2

awekyeafutsia shilya ateṟia ko ulya alemsambuṟa naṟunde iṟunda lyakye, chandu Mose na oe awekyeri, kyiyeri alesongoya wandu wa Ruwa.