Luka 15:24 - Kivunjo New Testament 1999

²⁴ Cha kyipfa mana-chu oko nawepfiie, na oe naṟuka; naweṙekyie, na oe nawono.’ Wakawooka ianga na ichihiyo.

Luka 15:24 ပူးပေါင်းရင်းမြစ်များ

Matayo 8:22

Kyaindi Yesu kammbia, “Ngyiosha; leka wapfu waṟikye wapfu wawo.”

Mariko 8:22

Wakashika Betisaida, wakamwendie kyipfupfuṟe wakamterewa nakyipaaye.

Luka 10:19

Ngamuenenga pfinya yechuma njoka na shisheshe, na pfinya tsoose tsa mokyituwa ulya, maa kuwoṙe kyindo kyemmbutia kyindo kyiwicho-pfo.

Luka 15:23

Endenyi ngache iya ngyinoru muishinje; na soe lulye na ichihiyo.

Luka 15:25

Kyasia, mana ulya okye mmbele nawekyeri ṙemenyi na lyilya aweicha na itikyira kufuhi na numba, naleicho ṟui lya shiimbo na temo.

Luka 15:32

Lyingyi-se, ichihiyo na ishina kyiwaṟi cha kyipfa mono-wama-chu opfo nawepfiie, na oe naṟuka; naweṙekyie, na oe nawono.’ ”

Luka 15:4

“Nyi wui konyu, awoṙe moondo igana, lyimwi lyikaṙeka ho, alechiṙa galya makumi kyenda na kyenda patenyi, nandepfula lyilya lyiṙekyie mṟasa nalyiwone?

Luka 19:10

Cha kyipfa Mana o Adamu nalecha ipfula na ikyiṟa kyilya kyiweṙekyie.”

Luka 9:60

Kammbia, “Leka wapfu waṟikye wapfu wawo; indi iyoe yenda undeonguo Wumangyi wo Ruwa.”

Yohane 11:25

Yesu kammbia, “Inyi nyi ulya ekyeende wuṟutsi-wo, na moo. Ulya angyiiṙikyie inyi, maa kapfa, nechiwaṙa moo o mlungana.

Yohane 5:21

Kyipfa chandu Awu ekyeṟutsa wapfu na iwaenenga moo, na wuṙo Mana echienenga moo walya akundi iwawutia kuṙo.

Waroma 11:15

Kyipfa kokooya iwiyitso lyawo lyileende kyisanza kya wuyana na Ruwa, ngyesa iiṙikyio lyawo lyechiwa-kyi sile nyi moo ko walya walempfa?

Waroma 12:15

Chihiyonyi hamwi na iwo waichihiyo; fiiṟenyi hamwi na walya waifiiṟa.

Waroma 6:11

Na wuṙo maa nyoe kutalenyi kye muwapfu ko mbonyi tsa wunyamaṟi, na wai na moo ko Ruwa kyiiṙi kya Kristo Yesu.

Waroma 6:13

Maa mulaengyeṟe iwuta shiwungo shanyu shiwe shisha sha mbaka ko wunyamaṟi. Indi kuwutenyi muwenyi ko Ruwa cha wai na moo numa ya ipfa, na shiwungo shanyu ko Ruwa iwa shisha sha wusumganyi.

Waroma 8:2

Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

1 Wakorinto 12:26

Na kyiwungo kyimwi kyikawawio, shiwungo shoose shekyewawio hamwi nakyo; na kyiwungo kyimwi kyikang'anyiso, shiwungo shoose shekyechihiyo hamwi nakyo.

Wafilyipi 2:1

Na nyoe muwewapfu kyipfa kya iuṟa wuindi na ngyuunyamaṟi tsanyu.

Wafilyipi 2:5

mṟasa kyiyeri kyilya luwekyeri wapfu kyipfa kya maṙeko gaṙu; naleluṟutsa hamwi na Kristo; kyimwi na igamba kye, mulekyiṟo kui isaṟia.

Wafilyipi 5:14

Koikyo shiṟeio shagamba, “Amka, iyoe uirengyera, uṟukye ko wapfu, na Kristo nekulyimikyia.”

Wakolosai 2:13

Na nyoe kyiyeri muwepfiie kyipfa kya maṙeko ganyu na kyipfa kya ilyi mulawekyeri Wayuda, nalemuṟutsa hamwi na oe, amluhooṟie maṙeko goose.

1 Timoteo 5:6

Indi, ulya alekyeringa mrima okye napfiie maa chandu ai na moo.

Yuda 1:12

Wandu-wa nyi wandu wa ngataṟa, wekyefanyiṟa shelya shanyu mokyelya kyiyeri mosanzia handu hamwi, wechilya kulawoṙe wuowu. Nyi mapuchi galawoṙe mṟinga, gekyeṙoo nyi mkuma. Nyi mashiṙi galawoṙe maṟa, galawoṙe ndunda, gapfiie kawi, na gamakuluo piu.

Ulogo 3:1

“Na ko malaika o siṟi ikyeri Saridi ṟeia: ‘Ishi nyisho agamba ulya awoṙe mumuyo-yo mfungaaṙe ya Ruwa, na nyenyeri tsilya mfungaaṙe. Ngyiichi mawuto gapfo, kye nuwoṙe rina lya iwaṙa moo, na iyoe nupfiie.