Luka 14:21 - Kivunjo New Testament 1999

²¹ Mṟundi ulya kayenda, kaenenga mndumii okye mbonyi tsa shindo-sho. Kyasia, ulya monyi kanyi kasuo, kawia mṟundi okye, ‘Fuma iwinyi, uyende njienyi ing'anyi na shimṟaṟu sha mṟi, uende wakyiwa na iha, na wawoṙe shiwungo shifiri, na shipfupfuṟe, na shileeta.’

Luka 14:21 ပူးပေါင်းရင်းမြစ်များ

Matayo 11:28

Nnjonyi na koko, nyoe moose muiwina na muwalemie nyi maṟio, na inyi ngyechimuonyonyisha.

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Matayo 15:12

Naaho-ng'u wanalosho wakye waleyenda kokye wakammbia, “Uichi kye Mafarisayo kyiyeri waleicho ṙeṙo lyilya walewihiyo?”

Matayo 18:31

Kyasia kyiyeri mbuya tsakye tsilewona shilya shileṟundika, tsilewihiyo mnu mrimenyi, tsikayenda tsikaongoya Mndumii otso shoose shileṟundika.

Matayo 20:7

Wakammbia, ‘Ny'kyipfa kuwoṙe mndu aluṟeie iṟunda-pfo.’ Kawawia, ‘Na nyoe yendenyi ṙemenyi lyako lya msabibu.’

Luka 14:13

Indi kyiyeri okoṟa shelya laga wakyiwa, wawoṙe shiwungo shifiri, shileeta, shipfupfuṟe,

Luka 14:20

Ungyi kagamba, ‘Ngyilealyika mka, na kyipfa kya ikyo ngyechiiṙima icha-pfo.’

Luka 14:22

Mṟundi kagamba, ‘Mndumii, isho ogamba shamṟundika. Kyaindi maa wulalu kuwoṙe ṙaawa.’

Luka 14:24

Kyipfa ngyimmbia kye kyiiṙi kya walya wawewalage, kuwoṙe maa umwi esonja karama yako-pfo.’ ”

Luka 24:47

Na kye masanga goose geongoyo mbonyi ngyicha kui rina lyakye, mbonyi tsa iṙumbuya wunyamaṟi na ihooṟio gyuunyamaṟi, iwookyia Yerusalemu.

Luka 9:10

Kyasia kyiyeri wasu walya walewuya walemwongoya mbonyi tsoose tsilewutika; kawaṙuo kayenda nawo handu hakuṟiikyie mṟasa mṟi umwi okyelago Betisaida.

Yohane 9:39

Yesu kagamba, “Inyi ngyilecha na kunu wuyanenyi ianduya, kundu iwo walaiwona wawone, na walya waiwona wawe shipfupfuṟe.”

Waebrania 13:17

Indienyi walya wekyemusongoya, na iwapfereria; kyipfa wo wekyelaa kyiṙombo kyipfa kya mrima yanyu. Kyipfa wechiwia Ruwa mbonyi tsa wuṟundi wowo, kundu kye wawute kuṙo kui sia maa chi kui fowa-pfo; kyipfa kyiwechimuenenga nyoe kyiira-pfo.

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

Ulogo 19:15

Na ushu luohi lokyewuka ṙumbunyi kokye kundu nakape nalo masanga. Na oe nechiwalyisa kui upoi lo kyichakari, na oe naichuma indo lyekamia mpfinyo ya nyashi ya Ruwa Mopfinya.

Ulogo 22:17

Na Mumuyo na Mpora wagamba, “Nnjo! Ulya aichuoe nagambe, ‘Nnjo!’ Na awoṙo nyi nyoṙa nache; na akundi, nanyo mṟinga o moo kulawoṙe itaa kyindo.”