Luka 14:11 - Kivunjo New Testament 1999

¹¹ Cha kyipfa orio mokung'anyisa nechititiṟo na ulya mokutitiṟa neching'anyiso.”

Luka 14:11 ပူးပေါင်းရင်းမြစ်များ

Matayo 23:12

Na orio oose echikung'anyisa amonyi nechititiṟo, na orio oose echikutitiṟa amonyi neching'anyiso.

Luka 1:51

Nawoṙe pfinya yewuta shindo sha maṟiyisho; naleola-ola walekyeicho makusaṟonyi ga ngoo tsawo.

Luka 1:52

Naleolotsa wang'anyi shiṙinyi shawo sha wuchilyi, na wafofo kawang'anyisa.

Luka 14:12

Kawia ulya alemlaga, “Kyiyeri okoṟa kyelya kya kyingoto ang'u kya kyukonyi, maa ulalage mbuya tsapfo maa wana wa wama wapfo, maa kyishari kyapfo, maa wamṟasa wapfo wawoṙe masaa; kundu wo walachekulaga iyoe kotoo.

Luka 18:14

Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”

Yakobo 1:9

Kyaindi mono-wama alawoṙe kyiṟumi kya maṟunda nachihiyo cha kyipfa naenengo kyiṟumi;

Yakobo 4:10

Kutitiṟenyi ushangunyi lo Ruwa kyiyeri muiterewa na oe nemuenenga kyiṟumi.

Yakobo 4:6

Kyaindi nekyelutarama soe isaṟia lyiengyeṟikyie; koikyo nekyegamba, “Ruwa nekyewingana na walya wekyekuṙosa, indi nekyeenenga isaṟia wekyekutitiṟa.”

1 Petiro 5:5

Na wuṙo nyoe wanakye, indienyi wameeku. Yee, nyoe moose waṙenyi wupfereri, muiṙime iṟundiana; cha kyipfa Ruwa nekyekapa walya wekyekuira, kyaindi nekyeenenga wapfereri isaṟia.

1 Petiro 5:6

Kyasia pfererienyi wuchilyinyi wo Ruwa wuwoṙe pfinya, kundu namuṙose kui kyiyeri kyakye;