Luka 13:16 - Kivunjo New Testament 1999

¹⁶ Na mndu mka-chu, akyeri o kyishari kya Abrahamu, ichu Satana alempfunga maka-i ikumi na nyanya, kyiwewaṟi nawuto kyipfungo-kyi mfiri o onyonya-pfoe?”

Luka 13:16 ပူးပေါင်းရင်းမြစ်များ

Matayo 4:10

Naaho-ng'u Yesu alemmbia, “Wuka iha, Satana, kyipfa kyikyiṟeie, ‘India Mndumii Ruwa opfo, umterewe oe amonyi.’ ”

Mariko 2:27

Kawawia, “Mfiri o onyonya ulewiko kyipfa kya mndu, chi mndu kyipfa kya mfiri o onyonya-pfo.

Luka 16:24

Kafiiṟa, kagamba, ‘Hoi papa Abrahamu, ngyiwonia wukyiwa, uṙume Lasaro nawikye kyimnyoe kyakye mṟingyenyi naoloṟe ulumi loko, kyipfa ngyituuro kunu moṙonyi.’

Luka 19:9

Yesu kammbia, “Inu wukyiṟo woshika kunu kanyi, kyipfa ichu na oe nyi mana o Abrahamu.

Luka 3:8

Kyasia kumbienyi ndunda tsifananyi na iṙumbuya wunyamaṟi; maa mulagambe mrimenyi konyu kye muwoṙe awu, nyi oe Abrahamu, kyipfa ngammbia kye, iwuka kunu magoenyi Ruwa nechiiṙima ienenga Abrahamu wana.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Mawuto Ga Wasu 13:26

“Wana wa wama wako, wana wa kyishari kya Abrahamu, na iwo wai konyu waowuye na ikunda Ruwa, Ṙeṙo lya wukyiṟo-wu lyaendo na koṙu nyi mndu Ruwa amṙumie.

2 Timoteo 2:26

Waiṙime-se iwiyiṟio makusaṟo mecha, na ikuashuo mṙegonyi o Mokyiriinzi, walya waleṙego nyi Mokyiriinzi, mṟasa iwuta shilya akundi.