Luka 13:14 - Kivunjo New Testament 1999

¹⁴ Kyasia ang'anyi o sinagogi nalesuo kyipfa Yesu nakyiṟa mndu mfiri o onyonya. Kagaluo, kawia walya wawesanzie halya, “Kuwoṙe mfiri iṟaandaṟu iwaṟi iṟunda, kyasia nnjonyi mukyiṟo mfiri-yo, maa chi mfiri o onyonya-pfo.”

Luka 13:14 ပူးပေါင်းရင်းမြစ်များ

Matayo 12:2

Na lyilya Mafarisayo walewona walemmbia, “Wanalosho wapfo waiṟunda kyindo kyilakyeri sungusinyi ikyiṟunda mfiri o onyonya.”

Mariko 5:22

Kukocha mndu umwi kyiiṙi kya wang'anyi wa sinagogi, ekyelago Yairo; na kyiyeri alemmbona, kaoloka maṙendenyi gakye,

Luka 6:11

Wakasuo mnu, wakawesana wo wenyi ko wenyi wawutie kyi Yesu.

Luka 6:7

Na walosha wa mawawaso hamwi na Mafarisayo waweimṙega kundu wawone kokooya nekyiṟa mndu mfiri a onyonya; kundu waiṙime iwona kyindo kyemmbusia uwingo.

Luka 8:41

Na mndu umwi ekyelago Yairo kacha, na oe nawei ang'anyi o sinagogi. Kaoloka maṙendenyi ga Yesu, kamterewa naiṙe na kanyi kokye;

Mawuto Ga Wasu 13:15

Numa ya isoma kyitumbuṟe kya uwawaso na kyitapu kya weonguo shisuku, wasongoru wa sinagogi wakaṙuma mndu kowo na iwawia, “Wana wa wama kyiiṙi kya iiṙikyia, kokooya muwoṙe ṙeṙo lyetarama wandu-wa, lyionguonyi.”

Mawuto Ga Wasu 18:17

Nawo woose wakawaṙa Sostene, ang'anyi o sinagogi, wakamkapa mbele ya handu halya heanduya wandu. Maa Galyio alewona mbonyi-tso kye nyi kyindo-pfo.

Mawuto Ga Wasu 18:8

Na Krispo, ang'anyi o sinagogi, kaiṙikyia Mndumii hamwi na wandu wa kanyi kokye woose. Kyiyeri Wakorinto wengyi waleicho wakaiṙikyia Yesu, wakapatiso.

Waroma 10:2

Cha kyipfa ngyiwaṟingyishia kye wawoṙe wuragari kyipfa kya Ruwa, indi chi kyiiṙi kya wuṟango-pfo.