Luka 12:5 - Kivunjo New Testament 1999

⁵ Kyaindi ngyemmbia mochimwowuo. Owuonyi ulya akyeri kye kammbaaga mndu nechiiṙima immbiyitsa Ngyehenenyi. Yee ngyimmbia, owuonyi icho.

Luka 12:5 ပူးပေါင်းရင်းမြစ်များ

Matayo 10:28

Mulaowuoe iwo waiwaaga mmbiu, walaiṙime iwaaga na mrima. Nanga moowuo ulya echiiṙima irumatsa mmbiu na mrima taa ngyehenenyi.

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 25:46

Na iwo wechiyenda na iiṙa na ngaponyi ya mlungana; indi wasumganyi wechiyenda moonyi o mlungana.”

Matayo 5:22

Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Mariko 13:23

Indi nyoe kuṟiisenyi; ngamumuikyimbia shoose.”

1 Watesalonikye 4:6

Mndu alalembe oṙoe maa imṙekyio kyiiṙi kya kyindo-kyi-pfo; cha kyipfa Mndumii nyi oe ekyetaa kyiṟaache kya ishi shoose; chandu lulemmbia kuwooka, lukoṟingyishia mnu.

Waebrania 10:31

Nyi kyindo kyioweshie iolokyio nyi ngapo ya Ruwa ai na moo.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

Ulogo 14:7

Kagamba kui ṟui lying'anyi, “Owuoenyi na iindia Ruwa, na imṟumisha, cha kyipfa saa ya ianduyo yamcha. Terewenyi na iindia ulya alegumba uruka na ipalyipalyi na shoka tsa mṟinga.”

Ulogo 15:4

Nyi wui alekyekuowuo na ikuindia, Iyoe Mndumii, na iṟumisha rina lyapfo? Cha kyipfa iyoe kumonyi nukyeri Mweele; cha kyipfa masanga goose gechicha gaterewe na iindia mbele yapfo; cha kyipfa mawuto gapfo ga wusumganyi gamloṟo.”

Ulogo 20:14

Upfu na Halya-ndu wapfu wekyekaa shikawiyitso iruwenyi lya moṙo. Ilu nyilo upfu lo kawi, iruwa-lyo lya moṙo.