Luka 12:4 - Kivunjo New Testament 1999

⁴ “Na inyi ngyimmbia nyoe mbuya tsako, maa mulaowuoe iwo wekyewaaga mmbiu, na numa ya iho wawoṙe kyindo kya ngoseṟa weiṙima iwuta-pfo.

Luka 12:4 ပူးပေါင်းရင်းမြစ်များ

Matayo 10:28

Mulaowuoe iwo waiwaaga mmbiu, walaiṙime iwaaga na mrima. Nanga moowuo ulya echiiṙima irumatsa mmbiu na mrima taa ngyehenenyi.

Yohane 15:13

Kuwoṙe awoṙe ikunda lying'anyi kuta ilyi, lya mndu ireka moo okye kyipfa kya mbuya tsakye-pfo.

Mawuto Ga Wasu 20:24

Kyaindi ngyiwonyi moo oko kye nyi kyindo kya woguru koko kuta iafutsia iṟunda lyilya Yesu alengyienenga-pfo. Iṟunda ngyileenengo nyi ionguo Mbonyi Ngyicha tsa isaṟia lya Ruwa.

Mawuto Ga Wasu 4:13

Kyasia kyiyeri walewona wuṟango na wukari wo Petiro na Yohane, na imanya kye nyi wandu walasomie, walaichi shindo shifoi, wakaṟiyio, wakamanya kye wawekyeri hamwi na Yesu.

Waefeso 1:28

maa muowuye washituwa wanyu kyindonyi kyoose-pfo. Kowo iwo nyi kyiṟingyishio kya iṙeka, indi konyu nyoe nyi kyiṟingyishio kya wukyiṟo, wulya wuwukyie ko Ruwa.

Yakobo 2:23

Shiṟeio shilya shikaafutsio; shiṟeio shilegamba, “Abrahamu naleiṙikyia Ruwa, kyikatalo kokye kye nyi wusumganyi;” na oe nalelago mbuya ya Ruwa.

1 Petiro 3:14

Kyaindi kokooya molyiso wukyiwa kyipfa kya iwa wasumganyi muwoṙe sia ing'anyi. Maa mulaowuo iowesha lyawo, maa mulaiṟewe mrimenyi; indi ilyishenyi Kristo Mndumii mrimenyi konyu.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.