Luka 12:33 - Kivunjo New Testament 1999

³³ Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa.

Luka 12:33 ပူးပေါင်းရင်းမြစ်များ

Matayo 19:21

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Luka 11:41

Kyaindi wutenyi kyiano shilya sha kyanumba, na shoose shechiwa shicha konyu.

Luka 12:21

Nyi wuṙo akyeri mndu ekyekoomia mrima okye kyiseyesoe alakusurie Ruwa.”

Luka 16:9

Na inyi ngyimmbia, waṙenyi mbuya na shindo sha wuyana, kundu kyiyeri shewuṟika wamuambilyie kulya-ndu mochikaa mlungana.

Luka 18:22

Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.”

Yohane 12:6

Na oe nalegamba kuṙo, chi kyipfa alewonia wakyiwa wukyiwa-pfo; indi kyipfa oe nawei mbafu, na oe nyi oe awekyekooma kyikuchu kya heleri, kakuwutia pfo heleri chandu alekunda.

Mawuto Ga Wasu 2:45

wechikumba masaa gawo, na shindo shawo wawewoṙe, na igawia wandu woose orio mndu iṙuana na chandu awekundi.

2 Wakorinto 8:2

kyipfa kyiyeri waweiyesho kui wukyiwa wung'anyi, sia yawo na wufofo wowo wung'anyi mnu wuleengyeṟa wunjama wo ilekyia lyawo.