Luka 12:32 - Kivunjo New Testament 1999

³² “Maa mulaowuoe nyoe poo lyitutu, cha kyipfa Awu onyu nawona nyi kyicha imuenenga Wumangyi wulya.

Luka 12:32 ပူးပေါင်းရင်းမြစ်များ

Matayo 14:27

Cha ilyi Yesu kaṙeṙa, kawawia, “Kuwanzenyi mrimenyi; nyi inyi, mulaowuoe.”

Matayo 20:16

Na wuṙo wa mafurumionyi wechiwa wa kuwooka, na wa kuwooka wechiwa wa mafurumionyi.”

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Matayo 7:15

“Kushowenyi na weonguo shisuku wa wongo, wandu wekyecha na konyu wakyeri cha moondo, kyaindi ipfo mrimenyi kowo nyi shisii shilang'a.

Luka 10:21

Kyiyeri kyilya kyilya Yesu kachihiyo Mumuyonyi Mweele, kagamba, “Ngakuana, Awu, Mndumii o ruwewu na uruka, kyipfa shindo-shi, uleshitambuluya wandu waṟango-pfo indi nuleshitambuluya wana watutu. Yee, loi Awu, kyipfa nyi wuṙo kyilekuchihiya.”

Yohane 18:36

Yesu kagaluo, kagamba, “Wumangyi woko chi wo wuyana-wu-pfo. Kokooya Wumangyi woko wuwekyeri wo wuyana-wu, waṟundi wako wawechikapana kyipfa kyako, kundu wasongoru wa Wayuda walaiṙime ingyiwaṙa. Kyaindi Wumangyi woko chi wo iha-pfo.”

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Mawuto Ga Wasu 20:29

Ngyiichi kye ngammbuka iha, wandu walang'a cha shisii wechicha na konyu, wanyamaṟe Siṟi.

Waroma 6:23

Kyipfa wori wo wunyamaṟi nyi upfu, indi kyisumbo kya Ruwa nyi moo o mlungana kyiiṙi kya Kristo Yesu Mndumii oṙu.

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

Waefeso 2:13

Cha kyipfa nyi oe Ruwa aiṟunda maṟunda mrimenyi konyu, iambilyia lyanyu na iṟunda lyanyu, kui iafutsia makusaṟo gakye mecha.

2 Watesalonikye 1:11

Koikyo lumuterewia nyoe mfiri yoose, kundu Ruwa oṙu namutale kye muwaṟi ilago lyanyu, kaafutsia orio njia ya wucha na orio iṟunda lya iiṙikyia kui pfinya.

2 Watesalonikye 1:5

Nyikyo kyiṟingyishio kya sungusinyi kya ianduyo lyikyeri wusumganyi wo Ruwa, kundu mutalyio kye kyimmbaṟi iiṙa na Wumangyinyi wo Ruwa, iwo womuenenga ilyiso wukyiwa.

Waebrania 12:28

Kyasia, cha kyipfa luiambilyia Wumangyi wulechiiṙima iṙeṙemsho, luwaṙe isaṟia, lyilya kyipfa kya ikyo luterewe Ruwa na imwindia kui njia yechimchihiṟa, hamwi na wupfereri na wuowu;

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

2 Petiro 1:11

Kyipfa kuṙi mochitaramo ienengo iiṙa na Wumangyinyi wo mlungana wo Mndumii oṙu, Mkyiṟa oṙu Yesu Kristo.

Ulogo 1:6

na ilugaluo iwa wumangyi na makohanyi wechichilyia na oe na iṟundia Ruwa okye na Awu. Kyiṟumi na mng'ano ukyeri na oe mṟasa mlungana na mlungana. Amen.

Ulogo 22:5

Maa kochiwaṙa-se kyio-pfo; maa wechipfula ngyeela ya taa maa ya mmbaṟi-pfo; cha kyipfa Mndumii Ruwa nechiwa ngyeela yawo, nawo wechichilyia mṟasa mlungana na mlungana.