Luka 12:28 - Kivunjo New Testament 1999

²⁸ Kyasia kokooya Ruwa nekyeṟika kuṙo maṟa ga ipfo ṙemenyi, gakyeri ho inu na ngama gakawiyitso moṙonyi ngyesa emmbutia ngoseṟa, nyoe wa iiṙikyia lyaangu?

Luka 12:28 ပူးပေါင်းရင်းမြစ်များ

Matayo 14:31

Cha ilyi Yesu kagoṟuo kuwoko kokye, kammbia, “Iyoe uwoṙe iiṙikyia lyaangu, ny'kyilyi ulaleiṙikyia kye ngyeiṙima ikuenenga wuiṙimi wo chumia wuye ya mṟinga?”

Matayo 16:8

Na Yesu kamanya, kawawia, “Ny'kyilyi muigaluana nyoe wenyi ko wenyi, nyoe wa iiṙikyia lyaangu? Nyi kyipfa nyoe mulawoṙe mkate?

Matayo 17:17

Yesu kagaluo, kagamba, “Nyoe rika lyilawoṙe iiṙikyia, lyiendie njia ilawaṟi, ngyechikaa hamwi na nyoe mṟasa indi? Ngyeṙuana na nyoe mṟasa indi? Mwendenyi na kunu koko.”

Matayo 17:20

Yesu kawawia, “Kyipfa kya wufofo wo iiṙikyia lyanyu. Cha kyipfa, ny'kyaloi, ngammbia, mukowaṙa iiṙikyia lyishikyie cha mbeu ya haradalyi mochiwia fumvu-lyi, ‘Wuka iha uyende kulya;’ nalyo lyechiwuka ho; maa kochiwaṙa kyindo kyilechiiṙimika konyu-pfo. [

Matayo 6:30

Kyasia, kokooya Ruwa nekyeṟika kuṙo melyi tsa maṟa gai ho inu na ngama gakawiyitso moṙonyi, ngyesa echimṟika nyoe lya ngoseṟa, nyoe wa iiṙikyia lyifofo-pfoe?

Matayo 8:26

Kawawia, “Ny'kyilyi mowa waowu, nyoe wa iiṙikyia lyiangu?” Cha ilyi kafuma, kaṙeṙia shiwiṟi na ipalyipalyi; kukotsia sau.

Luka 8:25

Kawawia, “Lyookwi iiṙikyia lyanyu?” Wakaowuo, wakatandiṟi, wechigamba wo wenyi ko wenyi, “Ichu nyi wui aṙeṙia shiwiṟi na mṟinga, nasho shikamwaṙanyia?”

Waebrania 6:7

Kyipfa uruka lokyenyo mvuo yekyekapa ho kyiyeri kui kyiyeri, na iṙosa maṟa gawoṙe kyiira ko walya galeṙemo kyipfa kyawo, wekyewona mboṟa tsiwukyie ko Ruwa;

1 Petiro 1:24

Kyipfa, “Mmbiu oose nyi cha maṟa, na mng'ano ocho nyi cha kyiwaṟo. Maṟa gekyeuma na shiwaṟo shekyeoloka.