Luka 12:19 - Kivunjo New Testament 1999

¹⁹ Numa ya iho ngyegamba, iyoe mrima oko, nuwoṙe shindo shicha shifoi ukoomie ko maka ifoi. Onyonya-ng'u, ulye, unyo, uchihiyo.’

Luka 12:19 ပူးပေါင်းရင်းမြစ်များ

Luka 12:18

Kagamba, ‘Ngyewika kuṙi, ngyeunduo shikumbi shako ngyiwikye shingyi shing'anyi kuta ishi, na ipfo ngyechikooma kyilyimu kyako kyoose na shindo shako.

Luka 16:19

Kagamba, “Kuwewoṙe mndu umwi, mnjama, awekyeṟaa nguwo tsa kyimaande-maande na kyimari-mari kyicha, echilya mfiri yoose kui wunjama.

Luka 21:34

“Kyasia ringyenyi mrima yanyu ilachelemeṟo nyi shindo shelya, na wunanzi, na iwinia shindo sha wuyanenyi; mfiri ulya ukocha na konyu kyituukyia chandu mṙego okyetalasuka.

1 Wakorinto 15:32

Kokooya, kui mboṟa ya kyimndu, kulya Efeso ngyilekapana na wandu wawicho cha mando ga saka, ngyiwoṙe kyiiṙa kyiha? Wapfu walandeṟutso, lulye na inyo, kyipfa ngama lochipfa.

Waefeso 3:19

Mafurumionyi gawo nyi irumatso, ruwa owo nyi lango tsa mmbiu, wekyekushelyia shindo sha sonu, na iwinia shindo sha kunu wuyanenyi.

1 Timoteo 5:6

Indi, ulya alekyeringa mrima okye napfiie maa chandu ai na moo.

1 Timoteo 6:17

Walya wakyeri wanjama wa wuyana wo wulalu uwawie walakushele, maa walakusurie wunjama wowo wukyeri cha mboshia, indi wakusurie Ruwa ekyeluenenga shindo shoose kulawoṙe iehia kundu luṟunde nasho kui sia.

2 Timoteo 3:4

Wekyeṟiinga woṙoe, walekyeicho, wekyekushela, wakundi sia tsa wuyana kuta ikunda Ruwa.

Yakobo 5:5

Ikaa lyanyu wuyanenyi nyi lya ichihiyo na ikushela. Mulekuwegia cha mfiri ulya Ruwa echianduya wandu woose.

1 Petiro 4:3

Kyipfa kyiyeri kya moo yaṙu kyileiṙa kyishikyie iwuta shilya wandu walaiṙikyie Ruwa wekyewuta; iwuta shindo shiwoṙe ukoe, na lango, na wunanzi, na shelya sha ilya na ielewetsa, na shindo shekyenanza, hamwi na iindia na iterewa mafano chandu kyilakyeri kya sungusinyi.

Ulogo 18:7

Iṙuana na chandu alekuṙosa na iwuta shindo sha sia tsa wuyana, muenengyenyi mawawio na fowa wuṙo. Cha kyipfa nekyegamba mrimenyi kokye, ‘Ngyikyeri mangyi o kyika, maa chi mkusu-pfo, maa ngyechiwona fowa maa ale-pfo.’