Luka 12:18 - Kivunjo New Testament 1999

¹⁸ Kagamba, ‘Ngyewika kuṙi, ngyeunduo shikumbi shako ngyiwikye shingyi shing'anyi kuta ishi, na ipfo ngyechikooma kyilyimu kyako kyoose na shindo shako.

Luka 12:18 ပူးပေါင်းရင်းမြစ်များ

Matayo 6:26

Ambuyenyi shileye sha ngyinenyi kye shekyeṙonga-pfo, maa shekyesambuo-pfo, maa shekyesania kyikumbinyi-pfo; na awu-yonyu o ruwewu nekyeshiembeṟa shoose. Nyoe muwoṙe woguru wung'anyi kuta shileye-sho-pfoe?

Luka 12:17

Kawooka ikusaṟa mrimenyi kokye, echigamba, ‘Ngyiwikye kuṙa, kyipfa ngyiwoṙe handu ngyekooma shilyimu shako-pfo?’

Luka 12:19

Numa ya iho ngyegamba, iyoe mrima oko, nuwoṙe shindo shicha shifoi ukoomie ko maka ifoi. Onyonya-ng'u, ulye, unyo, uchihiyo.’

Luka 12:21

Nyi wuṙo akyeri mndu ekyekoomia mrima okye kyiseyesoe alakusurie Ruwa.”

Luka 12:24

Kusaṟenyi mbonyi tsa makuru, kye gekyewaaya maa isambuo-pfo; gawoṙe shikumbi maa handu hekooma shindo-pfo, indi Ruwa nekyegaenenga kyelya. Nanga nyoe kafoi kuta shileye!

Luka 18:4

Na oe kui kyiyeri kyifuhi nalelega. Numa ya iho kagamba mrimenyi kokye, ‘Maa chandu ngyilaiṙikyie Ruwa, maa iwutia wandu mecha,

Luka 18:6

Mndumii kagamba, “Aṙanyienyi chandu aigamba moanduo moondu ulya mmbicho.

Yakobo 3:15

Wuṟango-wo chi wulya wuwukyie wuye-pfo, indi nyi wo wuyana, wo mbaṟe ya kyimndu na Satana.

Yakobo 4:13

Kyasia-ng'u, nyoe mokyegamba, “Inu ang'u ngama luiṙa na mṟinyi mlyiwe na ikaa pfo maka umwi, na ikapa mbucha na iwona kyiira;”

Yakobo 4:15

Kyiwechia igamba, “Mndumii kakunda, lulandepfe lochiwika kuṙi ang'u kuṙi.”