Luka 11:9 - Kivunjo New Testament 1999

⁹ Na inyi ngyimmbia, ‘Terewenyi na nyoe mochienengo; pfulenyi, na nyoe mochiwona; kape-kapenyi moongo, na nyoe mochipfunguyo.’

Luka 11:9 ပူးပေါင်းရင်းမြစ်များ

Matayo 21:22

Na shoose mochishiterewa kyiterewonyi mochiiṙikyia, mochiambilyia.”

Matayo 21:31

Ngyesa kyiiṙi kya iwo wawi nyi uha aleṟunda kyilya awuye akundi?” Wakammbia, “Nyi ulya o kawi.” Kyasia Yesu kawawia, “Ny'kyaloi ngammbia, wesania ukamba na maṟai waimusongoya iiṙa na Wumangyinyi wo Ruwa.

Matayo 6:29

Na inyi ngammbia kye maa Solomon mng'anonyi okye oose aleṟiko necha cha shiwaṟo-shi pfo.

Mariko 11:24

Kyipfa kya ikyo ngammbia, orio kyoose moterewa ilyi muiterewa iṙikyienyi kye moshiambilyia, nasho shechiwa shanyu.

Mariko 13:37

Na ikyo ngyimmbia nyoe, ngammbia moose, laenyi kyiṙombo.”

Luka 11:10

Kyipfa orio moterewa nekyeambilyia; na ulya mopfula nekyewona; na ulya mokapa-kapa moongo nechipfunguyo.

Yohane 14:13

Na nyoe, mukoterewa kyindo kyoose kyipfa mukyeri wanalosho wako, ikyo ngyechikyiwuta, kundu Awu nang'anyiso kyiiṙi kya Mana.

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 15:7

Nyoe mukowa kyindo kyimwi na inyi, na malosho gako gakakaa mrimenyi konyu, terewenyi kyindo kyoose mukundi na nyoe mochienengo.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

2 Wakorinto 6:2

(Cha kyipfa naigamba, “Kyiyeri kyiiṙikyie ngyilekuaṙanyia, mfiri o wukyiṟo ngyilekutarama.” Kyiyeri kyiiṙikyie nyi wulalu; mfiri o wukyiṟo nyi wulalu.)

Waebrania 11:6

Kyaindi kulawoṙe iiṙikyia kyeiṙimika imchihiṟa-pfo; cha kyipfa mndu ekyeyenda ko Ruwa kyiwaṟi naiṙikyie kye Ruwa nakyeri pfo, na kye nekyeenenga wori walya wekyempfula.

Waebrania 4:16

Kyasia, lutikyire kyitimenyi kya isaṟia kulawoṙe wuowu, kundu luenengo isaṟia, na iwona isaṟia lyelutarama kyiyeri lulawoṙe shindo shilushikyie.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

Yakobo 5:15

Kokooya wameeku-wo waiṙikyia kye Ruwa neaṙanyia kyiterewo kyawo, ulya aluoe nechikyiṟo. Ruwa nemmbiyiṟia pfinya maa kokooya anyamaṟie nechihooṟio.

1 Yohane 3:22

Na orio kyindo loterewa lochikyiambilyia kokye, cha kyipfa lokyeosha shilya mawawaso gakye gakundi, na iwuta shichihiṟie mbele yakye.

Ulogo 2:24

Kyaindi ngammbia nyoe mukyeri Tiatira, woose walawoṙe malosho-go, walaichi ngyeṟo tsa Satana, chandu wekyegamba, ngyechimṙika ṟio lyingyi-pfo.