Luka 11:39 - Kivunjo New Testament 1999

³⁹ Mndumii kammbia, “Nyoe Mafarisayo mokyesanja kyiṙoo na kyitela kyanja, indi mrimenyi konyu muichuo wusokyi na wuwicho.

Luka 11:39 ပူးပေါင်းရင်းမြစ်များ

Matayo 15:19

Cha kyipfa mrimenyi kokyewuka makusaṟo mawicho, uwaagi, wuṟui, wuiwi, wuṟingyishi wo wongo, na shilahio.

Matayo 7:15

“Kushowenyi na weonguo shisuku wa wongo, wandu wekyecha na konyu wakyeri cha moondo, kyaindi ipfo mrimenyi kowo nyi shisii shilang'a.

Luka 16:15

Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Luka 7:13

Kyiyeri Mndumii alemmbona nalewoṙo nyi fowa mrimenyi kammbia, “Maa ulafiiṟe.”

Luka 7:19

Naaho Yohane kalaga wawi kyiiṙi kya wanalosho wakye, kawaṙuma ko Yesu, echiwesa, “Iyoe nyi ulya aicha, ang'u luweṙelyie ungyi?”

Yohane 12:6

Na oe nalegamba kuṙo, chi kyipfa alewonia wakyiwa wukyiwa-pfo; indi kyipfa oe nawei mbafu, na oe nyi oe awekyekooma kyikuchu kya heleri, kakuwutia pfo heleri chandu alekunda.

Yohane 13:2

Na kyiyeri kya kyelya kya kyukonyi; Mokyiriinzi naleenenga Yuda, mana o Simion Isikariote, ngoo yemṟiinga.

Mawuto Ga Wasu 5:3

Petiro kagamba, “Anania, ny'kyilyi Satana aichuṟa mrima opfo iwia Mumuyo Mweele wongo, na iṟika kyifunjoe kya woguru wulya wo ṙema?

Wagalatia 1:14

Na inyi wandunyi wa rika lyako inyi ngyiwekyeri mbele kuta wengyi kyipfuṟukanionyi kyeindia Ruwa chandu Wayuda wekyemwindia, ngatambagana mnu iosha shilya ngyileambilyia ko waku wako.

2 Timoteo 3:5

Wawoṙe mbaṟe ya iowuo na ikunda Ruwa, kyaindi wechikana pfinya tsakye. Iwo taa ukushowe nawo.

Tito 1:15

Shindo shoose shishicha ko walya wawecha; kyaindi kuwoṙe kyindo kyikyicha ko walya wafanyi kyimṟumoe-pfo, walya walawoṙe iiṙikyia; indi ngyuuṟango tsawo tsifanyi kyimṟumoe, na makusaṟo gawo taa.

Yakobo 4:8

Tikyirenyi ko Ruwa, na oe netikyira kufuhi na nyoe. Sanjenyi mawoko ganyu kyimṟumoe, nyoe wanyamaṟi, na isanja mrima yanyu nyoe wakulembecheṟi.