Luka 11:36 - Kivunjo New Testament 1999

³⁶ Kokooya ngyeela yaṙunganana mmbiunyi opfo oose, maa kuwoṙe handu hawoṙe meema-pfo, mmbiu opfo oose ochiwaṙa ngeela tupu; chandu na taa yekyekulyimika kui ngyeela yayo.”

Luka 11:36 ပူးပေါင်းရင်းမြစ်များ

Matayo 13:52

Kawawia, “Kyipfa kya ikyo, orio mlosha o mawawaso awoṙe wuṟango wo malosho ga Wumangyi wo ruwewu nafananyi na monyi kanyi ekyewuta kyindonyi kyakye kya woguru wung'anyi shindo shihya na sha kacha.”

Matayo 5:15

Maa wandu wekyekoṟa taa na iiwikyia handu hakuṟiikyie-pfo, kyaindi handu hakuirie; nayo ikalyimikyia woose wakyeri numba.

Luka 11:35

Kyasia, ambuya-ng'u, ngyeela iya ikyeri kopfo ilacheewa meema.

Luka 11:37

Kyiyeri aweiṙeṙa, Mfarisayo umwi nalemlaga nache na kokye nalye kyelya. Kaiṙa, kaṙamia nalye kelya.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

Waebrania 5:14

Kyaindi kyelya kyikari nyi ko wandu wapfulukyie kyiiṙikyia, walya wekyeiṙima imanya kyicha na kyiwicho.

Yakobo 1:25

Kyaindi mndu moambuya mawawaso gaafutsie galakyeri ga wutumo, na ikaa kyiiṙi kyago, alawe mndu ekyeaṙanyia na iwaṙima indi mowuta kyilya aiicho, icho nechiwa agusu kyiiṙi kya iwuta lyakye.

2 Petiro 3:18

Kyaindi ng'anenyi isaṟienyi, na kyiiṙi kya imanya Mndumii oṙu na Mkyiṟa Yesu Kristo. Mng'ano ui kokye wulalu na mlungana.