Luka 11:19 - Kivunjo New Testament 1999

¹⁹ Kyasia, kokooya ngafuna waṟufui wawicho kui Beelyisebulyi, ngyesa wana wanyu wekyewafuna kui pfinya tsa wui? Kyipfa kya ikyo iwo nyiwo wechimuanduya.

Luka 11:19 ပူးပေါင်းရင်းမြစ်များ

Matayo 10:25

Kyishikyie manalosho iwa cha mlosha okye, na kyisinga iwa cha mndumii okyo. Kokooya walelaga monyi kanyi Beelyisebulyi ngyesa chi ngoseṟa walya wai wa kanyi kokye-pfoe?”

Matayo 4:24

Na mbonyi tsakye tsikaṙunganana urukyenyi lo Shamu loose; wakamwendie woose waweluoe, wawoṙo nyi orio ndoṟe na orio ilyiso wukyiwa, wawoṙo nyi waṟufui wawicho, na wekyeuma nguku, na wapfiie ngapfu ura lumwi; kawakyiṟa.

Luka 19:22

Kammbia, ‘Iyoe mṟundi mmbicho. Ngyekuanduya kui maṙeṙo gapfo. Nulemanya kye inyi nyi mndu muumu, ngyekyeambilyia kyilakyeri kyako na isambuo ngyilawaaya.

Luka 9:49

Yohane kagaluo, kammbia, “Mndumii, ung'anyi, lulewona mndu aiwuta waṟufui wawicho kui rina lyapfo, lukomwima, kyipfa ekyeoshana na soe-pfo.”

Mawuto Ga Wasu 19:13

Wayuda waata wawekyetenga-tenga, wandu wawewoṙe iṟunda lya ifuna waṟufui wawicho, wakatambagana isenda rina lya Mndumii Yesu kyipfa kya walya wawewoṙo nyi waṟufui wawicho, wechigamba, “Kui rina lya Yesu ulya Paulo ekyeonguo mbonyi tsakye wuka mndu-chu!”

Waroma 3:19

Kyasia luichi kye mbonyi tsoose uwawaso lugambie ko walya wawachilyie nyi uwawaso, kundu orio mndu nawio natsie, na wuyana woose wuchilyio nyi ianduyo lya Ruwa.