Luka 11:13 - Kivunjo New Testament 1999

¹³ Kyasia, kokooya nyoe mui wawicho muichi ienenga wana wanyu shisumbo shicha, ngyesa chi ngoseṟa mnu awu onyu akyeri ruwewu echienenga Mumuyo Mweele walya wekyemterewa-pfoe?”

Luka 11:13 ပူးပေါင်းရင်းမြစ်များ

Matayo 5:16

Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Matayo 5:45

kundu muiṙime iwa wana wa Awu-yonyu akyeri ruwewu. Kyipfa oe nekyeenenga mmbaṟi okye wawicho na wecha, nekyeolotsia mvuo wasumganyi na walai wasumganyi.

Matayo 6:14

“Cha kyipfa mukohooṟia wandu maṙeko gawo, na Awu-yonyu o ruwewu nechimuhooṟia nyoe.

Matayo 6:30

Kyasia, kokooya Ruwa nekyeṟika kuṙo melyi tsa maṟa gai ho inu na ngama gakawiyitso moṙonyi, ngyesa echimṟika nyoe lya ngoseṟa, nyoe wa iiṙikyia lyifofo-pfoe?

Matayo 6:32

Cha kyipfa isho shoose wandu walaṙikyie Ruwa wekyeshipfula. Na awu-yonyu o ruwewu naichi kye mukundi isho shoose.

Matayo 7:11

Kyasia kokooya nyoe, mui wawicho, muichi ienenga wana wanyu shienengo shicha, ngyesa chi ngoseṟa mnu Awu onyu akyeri ruwewu echienenga mecha walya wekyemterewa-pfoe?

Luka 11:12

Ang'u kamterewa iyai, namwenengye kyisheshe?

Luka 11:2

Kawawia, “Kyiyeri muiterewa, gambenyi ‘Awu [oṙu ukyeri ruwewu], rina lyapfo lyitano lyiele, Wumangyi wopfo wuche, [kyindo ukundi, kyiṟundikye iha wuyanenyi cha ipfo ruwewu.]

Luka 18:7

Ngyesa Ruwa, echiwaenenga kyilya kyiwawaṟi wasambuṟe wakye wekyemfiiṟia kyio na kyingoto-pfoe? Ngyesa nechikyelyio iwatarama?

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Mawuto Ga Wasu 2:38

Petiro kawawia, “Ṙumbuyenyi iwuta sha wunyamaṟi, mupatiso orio umwi kui rina lya Yesu Kristo, muiṙime iambilyia ihooṟio lya ngyuunyamaṟi tsanyu, na nyoe mochiambilyia kyienengo kya Mumuyo Mweele.

Waroma 5:17

Kyipfa kokooya kui iṙeko lya mndu umwi upfu lulechilyia kyipfa kya ulya umwi, ngoseṟa mnu iwo wekyeambilyia isaṟia lyifoi, na kyienengo kyilya kya wusumganyi, wechichilyia moonyi kui ulya umwi, Yesu Kristo.

Waroma 7:18

Cha kyipfa ngyiichi kye mrimenyi koko, lugambe mmbiunyi oko, kokyekaa kyindo kyicha-pfo cha kyipfa ikunda ngyikundi, indi iwuta kyindo kyicha ngiiṙima-pfo.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.