Luka 10:27 - Kivunjo New Testament 1999

²⁷ Kagaluo, kagamba, “Kunda Mndumii Ruwa opfo kui ngoo yapfo yoose, na kui mrima opfo oose, na kui pfinya tsapfo tsoose, na kui wuṟango wopfo woose; na momṟasa opfo cha iyoe kumonyi.”

Luka 10:27 ပူးပေါင်းရင်းမြစ်များ

Matayo 19:19

India awuyo na womoo, Kunda momṟasa opfo chandu ukukundi iyoe kumonyi.”

Luka 10:26

Kammbia, “Kyikyiṟeie kuṙa uwawasonyi? Nosoma ho kuṙa?”

Waroma 13:9

Kyipfa kulya igamba, Ulaṟuguye ang'u ulaṟuguyo, Ulawaage, Ulaiwe, Ulalangye; na kuwoṙe iwawaso lyingyi lyoose, lyasanzo na ṙeṙo-lyi, kye, “Kunda momṟasa opfo cha iyoe kumonyi.”

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

Waebrania 8:10

Kyipfa ichu nyicho mma ngyechiwika na wandu wa Isiraelyi numa ya mfiri iya, Ruwa nagamba, ‘Ngyechiwika mawawaso gako makusaṟonyi gawo, na ngyechigaṟeia mrimenyi kowo. Na inyi ngyechiwa Ruwa kowo, nawo wechiwa wandu wako.’

Yakobo 2:8

Kyaindi mukoafutsia iwawaso lyilya lya Wumangyi chandu kyikyiṟeie, “Kunda momṟasa opfo cha iyoe kumonyi,” muiwuta necha.

1 Yohane 3:18

Wana wako, lulakunde kui ṙeṙo, maa kui ulumi-pfo, indi kui mawuto na wuloi.