Luka 1:32 - Kivunjo New Testament 1999

³² Icho nechiwa ang'anyi. Nechilago Mana o ulya ai wuye, na Mndumii Ruwa nemwenenga kyiṙi kya wuchilyi kya Dawidi, awuye.

Luka 1:32 ပူးပေါင်းရင်းမြစ်များ

Matayo 1:1

Iga nyigo marina ga waku wa Yesu Kristo awei o kyishari kya Dawidi na Abrahamu.

Matayo 12:42

Mangyi o kyika o ura lo kyaseri nechigoṟoka mfiri o ianduyo hamwi na wandu wa rika-lyi, na oe nechiwaanduya kye waleṙeko. Kyipfa oe nalecha iwuka ngyuura tsa kyishingonyi tsa wuyana kundu naicho wuṟango wo Solomon, na iha hakyeri ai ang'anyi kuta Solomon.”

Matayo 28:18

Yesu kacha na kowo, kaṙeṙa nawo, kawawia, “Ngyimṙambikye wuchilyi woose ruwewu na wuyanenyi.

Matayo 3:11

Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Mariko 14:61

Kyaindi katsia tsi, maa alegaluo kyindo-pfo. Mkohanyi ulya ang'anyi kuta woose kammbesa-se kammbia, “Iyoe nyi oe Kristo, Mana o ulya awoṙe mng'ano?”

Mariko 5:7

Kakalagatsa kui ṟui lying'anyi, kagamba, “Lekana na inyi, Yesu, Mono-Ruwa akyeri ruwewu. Kui rina lya Ruwa ulangyilyise wukyiwa.”

Luka 1:15

Kyipfa nechiwa ang'anyi mbele ya Ruwa. Echinyo mpfinyo maa kyindo kya wunanzi-pfo; na oe nechiichuṟo nyi Mumuyo Mweele wookyia wosinyi ko wamae.

Luka 1:35

Malaika kagaluo, kammbia, “Mumuyo Mweele necha na kopfo na pfinya tsa icho ai wuye tsekushikyia cha kyirinje. Kyipfa kya ikyo, ikyo kyechifeo kyelago nyi kyiele, Mana o Ruwa.

Luka 1:76

Na iyoe, mana, nolago moonguo shisuku o icho ai wuye, kyipfa nochisonguo mbele ya Mndumii umṟeyeṟie njia tsakye;

Luka 3:16

Yohane nalegaluo kawia woose, “Loi inyi ngyimupatisa kui mṟinga, kyaindi naicha mndu awoṙe pfinya kuta inyi, ngilechiiṙima maa ituruchuo ngowa tsa shiaṙu shakye. Oe nemupatisa kui Mumuyo Mweele na kui moṙo.

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Yohane 12:34

Kyasia wandu wa kyisanzionyi wakamgaluo, wakagamba, “Soe luleicho uwawasonyi kye Kristo nai pfo mṟasa mlungana; na iyoe nugamba kuṙa kye Mana o Adamu nawaṟi iirio wuye? Mana-cho o Adamu nyi wui?”

Yohane 6:69

Na soe lommbaṙa iiṙikyia; lyingyi-se lomanya kye iyoe nyi oe Mweele o Ruwa.”

Mawuto Ga Wasu 16:17

Kyikaosha Paulo na soe, kyikakalagatsa, kyechigamba, “Wandu-wa nyi waṟundi wa Ruwa, wekyemuongoya mbonyi tsa wukyiṟo.”

Mawuto Ga Wasu 2:30

Kyasia kyipfa nyi moonguo shisuku, aichi kye Ruwa nalemwenenga kyaasa, kye kyisharinyi kokye kochiwuka mangyi.

Mawuto Ga Wasu 2:36

“Kyasia wandu woose wa Isiraelyi wamanye na pata kye Ruwa naleenenga Yesu-cho walemkapia msalabenyi wuiṙimi wo iwa Mndumii na Kristo.”

Mawuto Ga Wasu 7:48

Indi ulya ekyekaa wuye ruwewu ekyekaa numbenyi tsingyiwikye kui mawoko-pfo; chandu moonguo shisuku agambie,

Waroma 1:4

na iṟingyishio kui wuiṙimi iwa Mana o Ruwa, kui mbaṟe ya ngoo ya wuele, kui iṟutso lya wapfu, Yesu Kristo Mndumii oṙu.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.