Luka 1:29 - Kivunjo New Testament 1999

²⁹ Na oe kaiṟewe mnu mrimenyi kyipfa kya maṙeṙo ga malaika ulya kakusaṟa mrimenyi, “Kyiiṟikyiṟo-kyi nyi kya mbaṟe iha?”

Luka 1:29 ပူးပေါင်းရင်းမြစ်များ

Matayo 16:7

Wakagaluana wo wenyi ko wenyi, wechigamba, “Nyi kyipfa kya ilyi lulaende mkate.”

Luka 1:12

Kyiyeri Sakaria alemmbona naleiṟewe, kawoṙo nyi wuowu.

Luka 1:28

Kaiṙa na kanyi kokye, kagamba, “Ngakuiṟikyiṟa, iyoe umwenengye isaṟia, Mndumii nai hamwi na iyoe.”

Luka 1:66

Na woose waleicho wakawika mbonyi-tso mrimenyi kowo, wechigamba, “Mana-chu nechiwa o mbaṟe iha? Kyipfa pfinya ya Mndumii iwei hamwi na oe.”

Luka 2:19

Kyaindi Maria kakumbuo shindo-sho shoose, echikusaṟa mrimenyi kokye.

Luka 2:51

Kayenda nawo mṟasa Nasareti, na oe nawekyewaindia; na wamae kawika isho shoose mrimenyi kokye.

Mawuto Ga Wasu 10:17

Na kyiyeri Petiro awemṟiyie mrimenyi kokye, echikuwesa shindo shilya aleloṟo akyeri cha mndu ailoṙo shiwemmbia kyi, wandu walya Korinelyio alewaṙuma, wammbese mbonyi tsa numba ya Simion, wakagoṟoka mbele ya moongo,

Mawuto Ga Wasu 10:4

Kamwitukuya mnu, kaowuo, kagamba, “Ny'kyikyi kyacha pfo, Mndumii?” Kammbia, “Ruwa naicho shiterewo shapfo na mawuto gapfo mecha gesaṟia wandu na wulalu naigaluo shilya okyemterewa.